SHILLONG: Kolkata BSF Eastern Command Addi-tional Director General, Sonali Mishra, IPS, BSF Frontier Meghalaya-ona 9-10 salgni salrangna wen-bao da·o chel·chakgipa dolni obostani aro sima-ariko nirokanirangna bang·a opreration aro administrative-ni gimin nipilangaha aro chan-chirimaha.
09 Feb’ 2024-o, Sonali Mishra, ADG-ko Officers’ institute, Shillong-o IG BSF Meghalaya Sh Harbaz Singh Dhillong rim·chak-soaha aro ‘‘Guard of Honour’’-chi gipin officer-rang mande ra·soaha. IG BSF Meghalaya, Megha-laya Frontier-ni Indo-Bangladesh International border baksana general security obostani bidingo ADG-na agan-talataha. IG, aroba Indo-Bangladesh-o chagrongenggipa ra·biani-rangni aro uarangko wara-chakna chol-ramarangko de·ani bidingoba ADG-na aganaha.
ADG, administrative, manderangni obostakoba niangaha aro Composite Hospital Shillong-ona re·angaha aro sagiparang-koba grongaha. Shillong Ftr HQ Umpling-o Sainik Sammelan-mitingo officer-rang aro Jawan-rangna aganaha.
Ja·mano ADG IG BSF Meghalaya, Meghalaya South West aro East Khasi district-o India-Bangladesh sima-ari border outposts (BOPs)-ona re·angaha aro field commander-rang agangrikangaha aro chel·-chakgipa dolrangni obosta-ko niaha aro International border ba a·songgipinni sima-ario namgija dakani-rang dongjana gita Ops tarisoanirangkoba niaha. Minggipin Sonali Mishra, Nolikatta songni mande-rang aro songni skotong-rang baksa agangrikaha. Ua BSF Meghalaya Frintier-ni ning·ogipa BOPs-o gital rikgipa nokkoba oprake on·aha. ADG, Meghalaya-ni International sima-ario naljokanirangna chel·chak nitimanio BSF dolni krenge aro on·kange kamko ka·anirangna mittelaha.
