SHILLONG: A·dok sorkarini dingtang dingtang kamrangko manderangona sepangbatatna aro manderangni nangnikanirangko ma·sie ra·enba dakchakanirangko on·na gita Bristibar salo, a·dokni Chief Minister Conrad K Sangma, ‘CM-CONNECT’ program-ko NEHU Shillong Campus-ni Convention Centre-o a·bachengate on·angaha.
Ia program-ni ning·o a·dokni manderang, an·tangtangni neng·nikanirangko, nangnikanirang ba sing·na nanganirangko 1971-ona ba 18002456851-ona ba 9436394363 nombor-ona Whatsapp ka·atna man·gnok.
Helpline 1971 nomborko pring 8:00 bajioni attam 8:00 bajiona, Garo, Khasi aro Jaintia ku·sikrangko man·chape gimik mingbonga ku·sikrangchi chalaianggen aro ia somoini gisepo manderang, je somoioba sorkari baksa agangrikna man·gen.
Ia program-ko a·bachengate on·anganio a·dokni Chief Minister, jinmana aganprakangengon, ia program-ko a·bachengatanichi da·o a·dokni manderang dingtang dingtang kamrangni bidingo sing·atna gitaba man·gen aro sorkari, manderangni nangnikani gita aganchakanirangko on·gen ine parakataha.
Ia CM CONNECT program-ara salgro salaram jolosan ong·aigija a·song gimikon namen dingtangmanchagipa program ong·enga aro ia program-ni ning·o department ge·antian single window platform-chi connect ka·ako man·aha ineba Chief Minister aganaha.
Sorkarini kamko manderangona sepangbatatna CM-CONNECT-ko a·bachengata
Date:
Share post:
