SHILLONG: Tura Parliamentary seat-oni Lok Sabha poll-na susana Trinamool Congress bloc-ni mongsonggipa constituent ong·e chanchiaha, opposition INDIA bloc Meghalaya a·dokona sok-bana man·jaha. Sukrobar salo iako parakatengon, TMC Parliamentary Party dilgipa Mukul Sangma aganang-aha, Tura-oni poll-na party susaanggen aro adita salrangni gisepo namgipa bewalo paraka-tanggen.
Shillong seat-ni bidingo sing·anina Sangma agana-ha, party iani bidingo chan-chikujaenga. Bang·bata changon INDIA bloc constituent-rangni Lok Sabha election ong·na am·eng-gipao saksan chak-atgiparangna chanchia, ine Sangma ku·rachake ra·aha.
Tura-oni susaangna ua namnika dongode ine sing·anina ua a·dokni politics-o dongkame gisiko nangbatna nangnika ine gitcham chief minister aganchakaha.
Iano gisik ra·atpilaniko dakangaha, jeon TMC mijamangmang Congress dol baksa seat-ko sual-grikna chanchiako namnike ra·baha indiba ja·mano ia chanchiako jegalaha aro ja·mano Tura seat-oni Gambegre MLA Saleng A Sangma aro Shillong seat-oni Lok Sabha member Vincent H Pala bimingrangko minge namnike ra·bagipa-rangko bon·kame niataniko dakchina chugipa gadang-ona watataha. Tura-oni TMC aro Congress dol-rangna agreba NPP-ni Lok Sabha member ong·e dong-enggigpa Agatha Sangma susaang-gen. Parliamentary seat-na da·o dipet BJP dol candidate-ni bimingko minga dongkujaenga.
