SHILLONG: Tura Smart Town project-na gong kror 338-ko aro Jowai Smart Town project-na gong kror 79 tangkarangko Meghalaya sorkari chamataha.
Mongolbar salo, Assembly-ni budget session-o Nongstoin MLA Gabriel Wahlang-ni sing·anina aganchakaniko on·angengon, Tura aro Jowai Smart Town-ni bidingo talataniko on·angaha.
Tura Smart Town project-na gong crore 338.152-ko aro Jowai Smart Town-na gong crore 79.8 tangkarangko sorkari chamataha ineba Chief Minister parakataha.
Minggipin sing·aniona re·baskaengon, Nongstoin-koba Smart Town project-o napatchina gita Nongstoin MLA, Chief Minister-ko didiangaha.
Uni ku·pattianina aganchakaniko on·angskaengon, da·o dipet iana kamrangko a·bachengkujaengoba a·dokni pilak district headquarter-rangkon Smart Town project-o napatna sorkari nangnikenga aro iako dingtang dingtang bak dake sorkari chu·sokatanggen ine Chief Minister parakataha.
