TURA: Meghalaya a·dokni Job Reservation Policy-o Khasi-Jaintia aro Garorangna 80 percent-ko kanggopchina gita adita salrangna skang, Assembly-ni budget session-o Mawkyrwat-ni MLA Renikton L Tongkhar-ni agananiko Garo Hills-ni A·chik State Peoples’ Front (ASPF) aro Garoland State Movement Committee (GSMC) jegalatenba, Reservation Policy-ko skango gitan Khasi-Jaintiarangna 40 percent aro Garorangna 40 percent-ko kange donangkuchina dabiangtokaha.
Reservation Policy-o Khasi-Jaintia aro Garorangna 80 percent-ko kanggopchina Mawkyrwat MLA-ni agananiko jegalatengon, 1972 bilsio Meghalaya a·dokko man·chengani somoion, a·dokko man·e on·dilanggipa pagitchamrang, ia jatgittamni gisepo darangkoba onchepani ba mikkang niteani gri apsan bak rengsiko man·pachina gita Khasi-Jaintirangna 40 percent aro Garorangna 40 percent-ko kange donangaha aro ia apsan niamkon da·o mikkangchiba ja·rikangkuna nanga ine ASPF-ni general secretary aro spokesperson Bernitha Rangsa Marak parakataha.
“Khasi-Jaintia aro Garorang pilakan apsan ma·ani (Meghalaya)-ni jong-ada no-abirang gita ong·a indiba lekka poranio ba kamrangko man·aniode Garorang, Khasi-Jaintia-rangna bate cholrangko komibate man·enga ine darangan ma·sia. Meghalaya a·dokni bilsi 50 gapanio, Garorang an·tangtangni man·na nanggipa bak rengsirangko bang·en gimaatna nangaha aro ia gimaatgimin bak rengsirangko man·pilkujaengon, jatgittamni gisepo 80 percent-ko sualgrikna agananikode chinga raken jegalenga,” ine ASPF-ni general secretary parakataha.
Indake ong·engon, GSMC-ni gitaba Khasi-Jaintia aro Garorangna 80 percent-ko kanggopchina gita Mawkyrwat MLA-ni agananiko jegalna gita re·anggipa February 21 tariko, dingtangmancha tom·aniko Nongalbibra-o ong·atangenba, resolution-ko pass ka·angaha ine GSMC-ni co-chairman Balkarin Ch Marak parakataha.
“Job Reservation Policy-o Khasi-Jaintia aro Garorangna 80 percent-ko kanggopna gita Mawkyrwat MLA-ni agananiko jegalna chinga dingtangmancha resolution-ko ra·aha aro iako maming dakeba ong·na on·jawa. Khasi-Jaintia-rangna 40 percent aro Garorangna 40 percent kanggipa Reservation Policy-ko dangtapna nangja aro mikkangchiba ia apsan niamkon ja·rikangkuna nanga,” ine Marak parakataha.
Garo Hills-o manderangni janggi tangani gadangko tang·doatna gita Garo Hills-ni pilak MLA-rangan, Garo Hills-o namnamgipa university-rangko, college-rangko aro dingtang dingtang institute-rangko kulina gisiko nange kamko ka·na nanga ineba GSMC dabiangaha.
Garo Hills-ona nambatsranggipa hospital-rangko, sorkari office-rangko aro dingtang dingtang examination centre-rangko ra·bachina gitaba GSMC dabiangaha.
Reservation Policy-o Khasi-Jaintia aro Garorangna 80 percent-ko kanggopchina Mawkyrwat MLA-ni agananiko jegalatengon, 1972 bilsio Meghalaya a·dokko man·chengani somoion, a·dokko man·e on·dilanggipa pagitchamrang, ia jatgittamni gisepo darangkoba onchepani ba mikkang niteani gri apsan bak rengsiko man·pachina gita Khasi-Jaintirangna 40 percent aro Garorangna 40 percent-ko kange donangaha aro ia apsan niamkon da·o mikkangchiba ja·rikangkuna nanga ine ASPF-ni general secretary aro spokesperson Bernitha Rangsa Marak parakataha.
“Khasi-Jaintia aro Garorang pilakan apsan ma·ani (Meghalaya)-ni jong-ada no-abirang gita ong·a indiba lekka poranio ba kamrangko man·aniode Garorang, Khasi-Jaintia-rangna bate cholrangko komibate man·enga ine darangan ma·sia. Meghalaya a·dokni bilsi 50 gapanio, Garorang an·tangtangni man·na nanggipa bak rengsirangko bang·en gimaatna nangaha aro ia gimaatgimin bak rengsirangko man·pilkujaengon, jatgittamni gisepo 80 percent-ko sualgrikna agananikode chinga raken jegalenga,” ine ASPF-ni general secretary parakataha.
Indake ong·engon, GSMC-ni gitaba Khasi-Jaintia aro Garorangna 80 percent-ko kanggopchina gita Mawkyrwat MLA-ni agananiko jegalna gita re·anggipa February 21 tariko, dingtangmancha tom·aniko Nongalbibra-o ong·atangenba, resolution-ko pass ka·angaha ine GSMC-ni co-chairman Balkarin Ch Marak parakataha.
“Job Reservation Policy-o Khasi-Jaintia aro Garorangna 80 percent-ko kanggopna gita Mawkyrwat MLA-ni agananiko jegalna chinga dingtangmancha resolution-ko ra·aha aro iako maming dakeba ong·na on·jawa. Khasi-Jaintia-rangna 40 percent aro Garorangna 40 percent kanggipa Reservation Policy-ko dangtapna nangja aro mikkangchiba ia apsan niamkon ja·rikangkuna nanga,” ine Marak parakataha.
Garo Hills-o manderangni janggi tangani gadangko tang·doatna gita Garo Hills-ni pilak MLA-rangan, Garo Hills-o namnamgipa university-rangko, college-rangko aro dingtang dingtang institute-rangko kulina gisiko nange kamko ka·na nanga ineba GSMC dabiangaha.
Garo Hills-ona nambatsranggipa hospital-rangko, sorkari office-rangko aro dingtang dingtang examination centre-rangko ra·bachina gitaba GSMC dabiangaha.
