Wednesday, April 24, 2024
spot_img

B’desh-oniko niam gri gue gran badingbaenga ine matnanganiko sandirokchina TMC dabia

Date:

Share post:

spot_img
spot_img

SHILLONG: Burma a·songni gue granrangko Bangladesh a·song gita Meghalaya a·dokona niam gri badingsrukbaengani a·sel Meghalaya a·doko gue bagan dake cha·enggiparang noksan ong·na nangtokenga ine matnangenggipani bidingo ma·mongni dolrangchi sandirokatchina gita Opposition Trinamool Congress (TMC) dol, a·dok sorkario dabiangaha.
Bangladesh a·song gita Burma-ni gue granrangko niam gri badingsrukbaengani a·sel Garo Hills-o gue bagan dake cha·enggiparang noksan ong·na nangtokengani gimin niam gri gue badingsrukaniko champengchina dabie, North Garo Hills a·jao gue bagan dake cha·enggipa manderang, adita salrangna skangsan, a·dokni Chief Minister Conrad Sangma-na sedoatahachim.
Chief Minister-na badi ka·e sedoatgipa chittio gue bagan dake cha·enggipa manderangni parakatani gitade, pangna bilsian February jao guerangko bang·bate palna man·ani gimin uamang an·tangtangni guerangko palna gita Assam-ni gue badinggiparangko senge dongtokengachim indiba February jao gue badinggiparang uamangona re·bajahani gimin uamang am·sandion, Burma a·songni gue granrangko dam komibate man·engani giminsa gue badinggiparang, Garo Hills-ni guerangko bretokjaenga ine gue bagan dake cha·enggiparang ma·sina man·ahachim.
“Burma a·songni gue granrangko, Bangladesh a·song gita Meghalaya a·dokni dingtang dingtang ramarang gita ra·bae, ia gue granrangko kg-prako gong 260 ka·e palenga indiba chingade chingni korosrangko hisape iandake dam nom·dugaede palna man·skaja,” ine North Garo Hills a·jao gue bagan dake cha·enggiparang parakataha.
Indake ong·engon, gipin a·songrangoniko niam gri guerangko ra·baengani a·sel a·doktango gue bagan dake cha·enggipa manderang noksan ong·na nangtokskaengani gimin a·dokni gitcham Chief Minister aro TMC-ni MLA Mukul Sangma, suk ong·gijaniko parakatenba, iani bidingo kakketko ma·sina man·na gita ma·mongni dolrangchi sandirokatchina a·dok sorkariko didiataha.
Gipin a·songrangoniko niam gri gue granrangko ra·baenga ine matnangenggipani bidingo sandirokna gita ia bilsini January 4 tarikon, ADC N Hajong-ni dilanichi dingtangmancha inquiry commission-ko North Garo Hills a·jani gitcham DC songe on·ahachim ine janapatengon, iani inquiry report-ko name poraie nienba nanga gita ja·kurangko de·china Sangma, a·dok sorkariko didiataha.
Iani bidingo inquiry dakchina ge·etahani gimin North Garo Hills district administration-ko mittelpilangskaengon, ia kamrango jak donggipa manderangko aro ia kamko dongnuna gitasa North Garo Hills a·jani gitcham DC-ko ta·raken transfer ka·e galaha ine TMC MLA, a·dok sorkariko matnangataha.
“Iani inquiry report-ko anga an·tangba ma·sina sikenga. Da·alo gue badinggiparang, an·chingo gue bagan dake cha·enggiparangona re·batokjaengaha indiba uamangni guerangko mai dakgnok? An·ching ia guerangko Secretariat-ona ra·bagenma? Ia kamni bidingo sorkari ta·raken ja·kuko de·jagenchimode chinga guerang pilakkon Secretariat-ona ra·baskagen,” ine Sangma mikrakataniko on·angaha.

spot_img
spot_img

Related articles

Opposition INDIA bloc working on ‘one year, one PM’ formula: PM Modi

Betul (Madhya Pradesh), April 24:  Urging people to be cautious of Congress' 'agenda', Prime Minister Narendra Modi said...

Sushant Singh Rajput’s pic with Dhoni and baby daughter goes viral, fans get emotional

Mumbai, April 24:  A throwback monochrome photograph featuring late Bollywood star Sushant Singh Rajput has gone viral on...

Legend recognises legend: A.R. Rahman wishes Taylor Swift all the best for her new album

Mumbai, April 24: Oscar and Grammy-winning music composer A.R. Rahman has wished American singer-songwriter Taylor Swift success for...

PM Modi hopes new Ramakrishna Mission President will guide society to ‘greater wisdom and compassion’

New Delhi, April 24:  Prime Minister Narendra Modi on Wednesday extended his best wishes to Swami Gautamanandaji Maharaj...