Mendipathar: Tura seat-na MP election ong·na am·enggipana susaaoniko an·tangko chu·gimik chel·e rakkie AITC-ni dilgipa Mukul Sangma aganangaha, candidate-ko biming mingani bidingo party INDIA Bloc-oni u·iataniko sengenga. “INDIA Bloc gadango agangrikaniko party gisiktango rakkiangna chu·gimik tariaha. Gipin dolrang jemangan Bloc-ni bak apsan kam ka·angna chinga ka·dongsoenga. Ge-2 seat-rangoni Tura seat-na TMC candidate-ko on·gen ine chinga rongtalen parakataha. Chinga election-o dakgrikchongmogen aro chinga ka·dongsoenga, gipin dolrangba ching baksa apsan kam ka·rimgen. Chinga candidate-ko dontelgen,” ine mijal saljatchini somoio agangrikani somoio Mukul aganangaha.
Party-ni election committee ta·raken gronggrikgen aro iani bidingo senggnangn parakatna man·aba donga, ine ua agandapangaha.
Candidate ong·e an·tangko ua ra·bagenma ma chel·e donggenma iani bidingo sing·anina ua aganaha, ua a·dokni kamrang baksa aro da·o sorkari rika namjaenganina a·dokni namgnina gisiko nange bak ra·angenga.
“Da·ororo anga a·dokni kamrang baksa gisiko nangbatangenga. Namgijagipa sorkari da·o jean biapo ong·enga rimchaksogijako gisiko rakkienga jeni bakon da·alo chinga iano ong·enga, (gue biterangko niamgri badingsrukani kosako signature campaign dakenga). Chinga a·dok manderangni namgnina bilaken chadenga,” ine gitcham CM aganaha.
INDIA Bloc-oni koborko AITC sengenga indiba susatelaigen: Mukul Sangma
Date:
Share post:
