Tuesday, September 16, 2025
spot_img

Bol 101 Waste Collection e-Vehicle-rangko sualata

Date:

Share post:

spot_imgspot_img

TURA: Samtangtangko rongtal an·tale rakkina man·na gita Swachh Bharat Mission (Grameen)-ni ning·o Waste Collection e-Vehicles ba jabol chimongani electronic garirangko Mongolbar salo, Meghalaya Assembly-ni Speaker Thomas A Sangma aro PHE Minister Marcuise N Marak, East Garo Hills, West Garo Hills, South Garo Hills, North Garo Hills aro South West Garo Hills a·jao donggipa Village Water & Sanitation Committee (VWSC)-ni membor-rangna sualataha.
Ia garirangko sualatna gita dingtangmancha tom·aniko, Jengjal-ni Baljek Airport-o ong·atangaha aro ia tom·anio, Kharkutta-ni MLA Rupert Momin, Salmanpara MLA Ian Botham K Sangma, Jengjal-ni MDC Grahambel A Sangma aro dingtang dingtang officer-rangba dongpae bak ra·angtokaha.
Ia garirangko sualatna gita tom·aniko ong·atanio Meghalaya Assembly-ni Speaker Thomas Sangma, jinmana aganprakengon, ian gital kolrangchi samtangtango rongtal an·talaniko rakkina gita India a·songni re·mikkanganiko mesokani ong·enga ine parakataha.
India a·songo skatang a·pal re·aniko bon·atna aro rongtal an·talaniko rakkina gitasa Swachh Bharat Mission-ko a·bachengatahachim ine janapatengon, ia Mission-ni ning·o jabolrangko galna gita electronic garirangko sualataniara jillarangosan ong·aigija songadam nokadamrangoba pangkamgipa namroro silroroaniko ra·bana ja·ku de·ani ong·enga ine Sangma parakataha.
Ia tom·anio a·dokni PHE Minister Marcuise Marak-ba jinmana aganprakangengon, a·songo rongtal an·talaniko rakkina miksonganio ia electronic garirangko India sorkarini a·bachengatgipa Swachh Bharat Mission (Grameen)-ni ning·o sualatenga ine talataniko on·angenba, Meghalaya a·dokoba ia Mission-ko a·bachengataoni Open Defecation Free (ODF) Plus-o 84 percent-ni gita chu·sokgipa ong·na man·aha ine parakataha.

spot_imgspot_img

Related articles

MoS Margherita interacts with Indian community in Papua New Guinea

Port Moresby, Sep 15: Minister of State for External Affairs (MoS) Pabitra Margherita interacted with the Indian community...

Education at its worst: Dalmangre Non Govt LP School runs with 1 teacher since 11 years, single room for 110 students

Biplab Kr Dey Dalmangre (North Garo Hills), Sep 16: You probably think dilapidated school buildings, with missing roofs, windows...

Nitish Kumar announces interest-free loans under student credit card scheme

Patna, Sep 16: In the run up to the Bihar Assembly elections, Chief Minister Nitish Kumar has announced...

After 2-day tour of three NE states, PM Modi to visit Arunachal, Tripura on Sep 22

Itanagar/Agartala, Sep 16: After a two-day visit to Manipur, Mizoram and Assam, Prime Minister Narendra Modi will now...