SHILLONG: Bristibar salo police-rang, Shillong songjinmani Police Bazar-o donggipa Hotel Assembly-o mande saksani manggisiko man·aha.
Ia mandeara, Guwahati songjinmao donggipa Beltola Road-oni bilsi 47 ong·gipa Sijo Joseph ong·achim ine ma·sina man·aha.
Koborko on·ani gitade, Hotel Assembly-o mande saksa kuturitangoni ong·katchipgija donga salsa batengaha ine koborko on·atani ja·man Sadar Police Station-oni dolsa sipairang, bakan ia hotel-ona dariangaha aro sakkini mikkango do·gako pe·drae napon, ia mandeni sie dongako palango nikeaha.
Iani bidingo police-rangni am·sandie nichenganio nikani gitade, ia mande agre samrangko ringani a·selsa siahakon ine chanchichipenga.
Ia mandeni manggisiko man·ani ja·man post mortem ka·na gita Shillong Civil Hospital-ona watataha.
“Da·o dipet ia mandeni siani a·selko name aganna man·kujaenga indiba ua samrangko nangana bate ringani a·selsa siahakon ine chinga chanchichipenga. Post mortem report-ko man·ahaon uni siani a·selko ma·sina man·gen aro chingaba iani bidingo sandirokanirangko dakna a·bachengataha,” ine Police officer parakataha.
Ia mandeni nokdangnaba police-rang, kobor on·atna jotton ka·engaha ine u·iataha.
 |
ReplyForward
|