Friday, May 9, 2025
spot_img

Tura-o donggipa a·kingrangko municipality-o napatna miksonganiko MDC-rang jegala

Date:

Share post:

spot_imgspot_img

TURA: Budbar salo, Garo Hills Autonomous District Council (GHADC)-ni special session-ko ong·atangenba, 9-Tura GHADC constituency-ni ning·o ga·akgipa A·kingrangko Municipality-ni ning·o napatna sorkarini miksonganiko MDC-rangko raken jegalangtokaha.
Ia motion-ko GHADC-ni Chief Executive Membor (CEM) Albinush Marak, session-ona ra·baengon, Tura jillani wilwilao donggipa Danakgre, Doldigre, Alotgre, Darechikgre, Duragre, Chasingre, Ballonggre aro Rongkhongre a·kingrangko Municipality-o napatna aro Town Committee-rangni biapo Municipality jako ra·skana gita 1974 bilsio GHADC-ni gitcham Executive Committee resolution-ko pass ka·ahachim indiba iako dakanichi Tribal jatrangna mai nangchakeaniko ra·bagenchim, ua somoio GHADC-ko chalaianggipa dilgiparang namen chanchichengjaha ine parakataha aro uni jegalanio Land & Revenue-ni EM Nikman Marak baksana gipin MDC-rangba chakpaanirangko paraktokaha.
Iani bidingo Tura-ni MDC Bernard N Marak-ba jegalaniko parakatengon, Tura GHADC constituency-ni ning·o ga·akgipa a·kingrangko urban area-o napatna jotton ka·aniara Sixth Schedule-ni niamrang baksana Town & Country Planning 1973-ko pe·ani gita ong·enga ine janapataha.
Marak-ni parakatani gitade, Tura jillani sambao donggipa Danakgre, Doldigre, Alotgre, Darechikgre, Duragre, Chasingre, Ballonggre aro Rongkhongre a·kingni Nokmarang aro GHADC baksa agangrikchenggija, ia a·kingrangko Tura Municipality-ni ning·o napatna u·iatmanahachim.
A·king Nokmarang aro GHADC baksa maming agangrikchenggija ia a·kingrangko Tura Municipality-ni ning·o napatna sorkari miksongenga ine matnangatengon, ian Indian Constitution-ni Article 243ZC-ni ning·o dongimin niamrangko pe·ani gita ong·enga ineba Marak parakataha.
“Danakgre, Doldigre, Alotgre, Darechikgre, Duragre, Chasingre, Ballonggre aro Rongkhongre a·kingrangko Tura Municipality-ni ning·o napatna proposal-ko ra·bana skang a·dok sorkari, a·king nokmarang aro GHADC baksa agangrikchengna nanga maina Scheduled Area-rangode sorkari bil dongja indiba Nokmarang aro autonomous district council (ADC)-rangsa bil man·a. Uni gimin 9-Tura GHADC constituency-ni ning·o a·kingrangko Municipality-ni ning·o ong·atna jotton ka·aniara niamni a·palo ong·a,” ine Tura MDC parakataha.

spot_imgspot_img

Related articles

Actress Aishwarya Raj recounts her firsthand experience of witnessing a drone attack in Jaisalmer

Thiruvananthapuram, May 9: Upcoming actress Aishwarya Raj experienced the effects of war on Thursday night. After returning to...

High alert in Rajasthan: Leaves of police, medical staff cancelled; blackouts in border areas

Jaipur, May 9: Amid high alert across Rajasthan in response to escalating tensions between India and Pakistan, the...

India invites nations to join International Big Cat Alliance at UN Forest Forum meet

New Delhi, May 9: India has invited countries to join the International Big Cat Alliance (IBCA) at the...

Pak begs for ‘loans amid heavy losses’ on X, Islamabad says account ‘hacked’

New Delhi, May 9: As India continued to successfully defend its territories and people from massive aerial attacks...