Sunday, September 14, 2025
spot_img

AMPT ramani obosta namjabatroroenga

Date:

Share post:

spot_imgspot_img
TURA: West Garo Hills a·jani a·kawe jolo, Phulbari-oni Rajabala-ona dakanggipa Agia-Medhipara-Phulbari-Tura (AMPT) ramani bakrang namjabatroroengahanichi ia ramako re·ruraenggipa manderang neng·nikanirangko chagrongna nangbattokengaha.
Ia ramani bakko re·anggipa 2023 bilsini Assembly election-na skangsan taridapahachim indiba ia rama nosto ong·piltaina a·bachengahaon, nosto ong·gipa bakrangko cement block-rangchi andape taridapskaahachim. Ia nosto ong·gipa ramarangko cement block-rangchi andape taridapahani a·sel asol ramana bate chubatskaaha aro re·ruraenggipa gari gorarangna neng·nikanikosa ra·baskaaha.
Ia rama gita Bhutan a·songoniko ro·ong salbaenggipa truck garirangba salantian re·ruraahani a·sel ramani obostarangko namjabatataha.
Medhipara-oni Nidanpur-ona dakanggipa ia AMPT ramani bakko adita salrangna skangsan tarimanahani gimin da·o ia bakrangkode re·ruraenggiparang maming neng·nikani grian re·runa man·tokenga indiba uni ja·man Nidanpur-oni Chibinang-ona dakanggipa km 8-mangni gita ramarangde namjana a·bachengtaiaha.
Chibinang-oni Phulbari bazar-onaba ramarang indita namsrangjade ong·jachim indiba badiaba badiaba bakrango re·ruragiparang neng·nikanirangko chagrongna nangtokkuenga.
Nidanpur-oni Phulbari-ona dakanggipa ia ramani bakrangko taridape on·na ia bilsini a·bachengachibara a·dokni Chief Minister Conrad Sangma ku·rachakahachim aro an·tangni ku·rachakgimin gitan, Phulbari-oni km 15-mang chel·ao donggipa Paham samba jolode ramarangko tarina a·bachengengaha.
Indake ong·genchimoba, Phulbari ja·mande ia AMPT ramani obosta namjabatna a·bachengaha aro Rajabala Bazar-ode ramarang a·kolrara dakahani a·selan gari gorarang re·a doanio namen neng·nikanirangko chagrongna nangtokengaha. Da·o mikkarang waangani ja·man aro bate ia ramani obostarang namjabatna a·bachengaha aro manderang neng·nikanirangko chagrongna nangtokengaha.

spot_imgspot_img

Related articles

Man who threatened RDX blast during Ganeshotsav festival in Mumbai now arrested by Bihar Police

New Delhi, Sep 14 : A habitual cyber fraudster who threatened to carry out an RDX blast in...

Army showcases tactical excellence in ‘Exercise Dibang Shakti’ in Arunachal

Itanagar, Sep 14: In an outstanding display of operational prowess, the elite troops of the Indian Army’s Spear...

Trump calls on NATO allies to stop buying Russian oil

US President threatens 50% to 100% tariffs on China Basking Ridge, Sep 13: President Donald Trump said on Saturday...

Israel ramps up strikes on Gaza City, at least 32 die

Deir al-Balah, Sep 13: A barrage of airstrikes killed at least 32 people across Gaza City as Israel...