SHILLONG/TURA: Re·baenggipa April-ni 19 tariko ong·atna sienggipa Lok Sabha election-na nomination file ka·ani mijal Budbar attamo matchotangaha aro uandake Meghalaya a·dokni Lok Sabha constituency damgnio susana gita gimik sak 10 candidate-rang nomination file ka·angaha.
Shillong Lok Sabha constituency-oni susana gita nomination file ka·anggipa candidate-ranga, Shillong-ni MP aro Congress candidate Vincent H Pala, NPP-ni candidate Ampareen Lyngdoh, RDA-ni candidate Robertjune Kharjahrin, VPP-ni candidate Ricky AJ Syngkon, Independent candidate Prof Lakhon Kma aro sakgipin Independent candidate Peter Shallam ong·a.
Tura Lok Sabha constituency-o susana gita nomination file ka·anggipa candidate-ranga, Tura-ni MP aro NPP-ni candidate Agatha K Sangma, Congress candidate Saleng A Sangma, TMC candidate Zenith M Sangma aro Independent candidate Labenn Ch Marak ong·skaa.
Nomination lekkarangko da·al March-ni 28 tariko scrutiny ka·anggen ba nipilangskagen aro nomination-ko ra·pilani bon·kamgipa tarikara March-ni 30 tarik ong·skaenga.
Shillong aro Tura Lok Sabha constituency damgnion April-ni 19 tariko pu·onanggen aro result-ko June jani 4 tariko, pilak Lok Sabha constituency-rang baksa apsan parakgen.