Thursday, April 25, 2024
spot_img

Tura LS seat-na TMC-ni candidate nomination file ka·a

Date:

Share post:

spot_img
spot_img

CAA-ni bidingo Tura-ni MP aro NPP-ni candidate-ko matnanga

TURA: Budbar salo, Trinamool Congress (TMC)-ni candidate Zenith M Sangma-ba Tura Lok Sabha constituency-oni susana gita an·tangni nomination lekkarangko, Returning Officer Jagdish Chelani-ni jako on·eaha aro uni nomination file ka·anio, TMC parliamentary party-ni dilgipa aro a·dokni gitcham Chief Minister Mukul Sangma, TMC-ni MLA-rang, MDC-rang, gipin dilgiparang aro party-na kam ka·enggipa bang·bea manderangba dongpatokaha.
An·tangni nomination-ko file ka·angani ja·man kobor ra·timgipa manderang baksa agangrikengon, 2019 bilsio Citizenship (Amendment) Bill-na chakpaaniko on·ahani gimin Tura-ni MP aro NPP-ni candidate Agatha K Sangma-ko matnangataha.
“2019 bilsini Lok Sabha election-na skang uni (Agatha) campaign ka·engmiting somoirangode ua CAB-ko jegalgen ine Garo Hills-ni kona noksik pilakon manderangna ku·rachakaniko on·ahachim indiba Tura-ni MP-na seokako man·ani ja·mande ua Parliament-o Tribal-rangna aro salgro salaram a·dokrangna kenchakna nanggipa CAB-na chakpaanikosa on·skaaha aro ia Bill-ko pass ka·na gita vote-ko on·paaha,” ine TMC-ni candidate Zenith Sangma aganenba, ia Meghalaya a·dokni manderangko aro mongsongbate Tura Lok Sabha constituency-ni manderangko cha·boka gita ong·aha ine matnangataha.
Ma·mongo BJP-chi dilenggipa NDA sorkari aro Meghalaya a·doko NPP-chi dilenggipa MDA sorkarini ning·o bang·en tangka paisa jakkalsretanirang aro chadamberangna maming chol on·gijanirangko nikna man·enga ineba Sangma matnangataha.
“Sorkarini kamrangko niatgenchimode pilak kamrangon tangka paisa jakkalsretaniko nikna man·enga aro chadamberangnaba maming janggi tangani cholrang donggijaniko nikna man·enga. Janggi tangani cholrang dongjae chadamberang kamrangko ka·e cha·na pilak biaprangonan re·rurana nangenga. Uni gimin ia changode Garo Hills-ni manderang namen seng·bataha aro Garo Hills-o dingtangani balwa balengaha,” ine ua aganaha.
Garo Hills-ni manderangko chel·chakanio da·o ong·enggipa Tura-ni MP chu·sokjahani gimin ia changode manderang NPP-ni candidate-ko jegaltokgnok ineba TMC candidate parakataha.
“Uni gimin Garo Hills-ni manderang ching baksa ong·enga ine chinga namen ka·donga aro Tura Lok Sabha constituency-ni manderang chingko seokgen ine chinga bebera·a,” ine Sangma aganaha.

spot_img
spot_img

Related articles

Statement on Chakma-Hajong refugees misinterpreted, clarifies Rijiju

Guwahati, April 25: Amidst concerns and apprehensions among various sections in Assam, Union minister Kiren Rijiju on Thursday...

Jacqueliene urges fans to adopt and not shop: Animal breeding industry is cruel

Mumbai, April 25:  Actress Jacqueliene Fernandez, an avid animal lover, has stepped forward in support of them, urging...

BJP complains to ECI against Abhishek Banerjee for ‘abusive’ remarks against party candidate

Kolkata, April 25:  The BJP's West Bengal unit on Thursday filed a complaint with the Election Commission of...

EC sends notice to BJP over PM Modi’s speech in Banswara

New Delhi, April 25: Taking cognisance of the alleged Model Code of Conduct violation by Prime Minister Narendra...