SHILLONG: A·dokni BJP dolni chakpaani baksana dabiani list jean National People Party (NPP) national president aro a·dokni Chief Minister Conrad K Sangma-ni mikkango Sonibar salo donaha jeon ua jedakgipako nikna ska uni chu·sokaniko man·a ka·dongenga.
“Sonibar attam Shillong-o Meghalaya BJP baksa NDA bakrimgipa tom·aniko BJP State President Rikman G Momin, cabinet minister AL Hek, State BJP Office Bearers, District Presidents, Mandal Presidents, Morcha Heads aro BJP party karyakarta-rangni dongpaanio ong·ataha,” chief minister X-o seataha.
“1-Shillong Lok Sabha constituency aro 2-Tura Lok Sabha constituency-na chingni candidate-rangna campaign ka·na uamangni bakrimani aro chakpaaniko on·dapanina chinga Meghalaya BJP dolko mittela,” ine ua agandapaha.
“Ma·mong dilgipani ge·etanio pangchake, state BJP president, mandal president, district president, mahila president, yuva president, officer bearer-rang gimik aro karyakarta gimikan chingni chakpaaniko mesokna Chief Minister-ko Pine Wood-o grongaha, ine Cabinet Minister aro a·gipi BJP dilgipa Al Hek aganaha.
State BJP Chief Minister-ni mikkango ming 4 dabianirangko ra·baaha, Chairman aro vice chairman-ni mongsonggipa post-rangko BJP dolni karyakartas-na on·a amama amjawa skanggipa iako nina ine ua aganaha. Gnigipa dabiani, planning deparment-ni dakna nangchenggipa list-o ma·mongni gita scheme watatarangko man·-chapatna aro gittamgipa, jeo ama BJP worker-rangko contract kamrangko on·china ra·baaha, ine ua aganaha.
“Chingo sakgni MDC-rang GHADC-o donga aro JHADC-o saksa MDC donga. Uamangna mong-songgipa biaprangko NPP-chi dilenggipa EC-o on·pachina,” brigipa aro bon·kamgipa dabiani bidingo ua aganaha. Hek-ni parakatani gitade, ua jeko nanga uko on·a Chief Minister ku·rachakaha.
