Umiam Dam aro Spilway dolongko Robibar dipet tarianiko a·bachengtaigen

SHILLONG: Umiam Dam aro Spillway dolongni gamchatgipa bakko tariako Robibar dipet a·bachengtaigen.
Ian Sorkarini dal·begipa ra·biani ong·a, maina ua dolongko salantian hajal batpile   garirang re·enga.
Ua dolongko March 31-o pringni 8 bajioni attamni 2 bajiona chipatgen, aro uni ja·mano March  31-oni April 8-ona chipatgen. Dolongo ton 4-na komigipa aro 2.5 metre chugipa ong·gipa-rangsan re·na man·aigen.
April 8 dipet, ton 15-ona kingking garirang ge·sa lane gita re·na man·gen.
Indake champengat-mitingo, dingtangman·cha ramako re·na man·gen, jedakode ua dolongko re·bagipa manderangna dongtokalna man·gen.  Light Motor Vehicles (LMVs)  Shillong-Mawta-war-Umiam Airport road (VIP Road)-Lad Umroi Road, jean km 45 chela, ba Shillong-NEIGRIHMS-New Shillong Towanship-Diengpasoh-Lad Umroi Road, jeni chelan km 63 ong·a uko jakalna man·gen. Apsan somoio, dingtang-gipa rama jekon UCC-Mawlyndep-Mawmaram Road ong·a ua gita Mairang/Nongstoin-chi re·gipa ramaona re·na man·gen, jeni chelan km 39 donga.
Heavier vehicles ba jrimgipa garirang, jeon Heavy Motor Vehicles (HMVs) aro Bus-rang dongchapachim, uarang Shillong-Laitkor-Mawryngkneng-Lad Umroi Road gita re·na man·skagen, jeni chelan km92 donga ba Shillong-Mairang-Nongkhlaw-Guwahati Airport Road, jeni ro·an km 120 donga ua gita re·skana man·gen.