Tuesday, May 28, 2024
spot_img

GH-o BJP-na kam ka·enggiparang NPP-ni candidate-na chakgen

Date:

Share post:

spot_img
spot_img
SHILLONG: Robibar salo, Bharatiya Janata Party (BJP) aro National People’s Party (NPP)-ni dilgiparang Tura-o tom·e chanchirimangani ja·man Garo Hills-o BJP-na kam ka·enggipa manderangba da·o NPP-ni candidate aro Tura-ni MP Agatha K Sangma-na kamko ka·na gita tik ka·angaha.
Indake ong·genchimoba, GHADC-ni NPP-chi dilenggipa Executive Committee-o BJP-ni MDC sakgnina biapko on·jahani gimin BJP-ni mitam dilgiparangde, NPP-ni national president aro Chief Minister Conrad K Sangma-ni kamo suk ong·gijaniko paraktokskakuaha.
Tura Parliamentary constituency-o NPP-ni candidate-na chakpaaniko on·na gita da·o GHADC-o opposition ong·enggipa BJP-ni MDC sakgnikon NPP-chi dilenggipa EC-o biap on·china gita State BJP, niamko donatskaahachim.
Indake ong·genchimoba, da·o dipet BJP-ni MDC sakgnina EC-o biapko on·ani bidingo Chief Minister maming ku·rachakanirangko on·kujaengani gimin Garo Hills-o BJP-ni mitam dilgiparangde suk ong·tokjaenga ine BJP-ni dilgipa saksa, kobor ra·timgiparangna parakataha.
NPP aro BJP dolgnian NDA aro MDA-o bakrimenggipa dolrang ong·engode maini gimin GHADC-o BJP-ni MDC sakgniko opposition-o donskana nangenga ineba ia dilgiparang sing·doataha.
BJP baksa tom·aniko ong·atanio NPP dolko chief minister an·tangan dilangaha aro ia tom·anio Assembly-ni Speaker Thomas A Sangma, NPP-ni working president Marcuise N Marak aro gipin dilgiparangba bak ra·angaha. BJP dolko state president Rikman Momin dilangskaaha.
Ia tom·anio NPP-ni national president Conrad Sangma aganprakengon, Agatha Sangma-na pu·onaniara Prime Minister Narendra Modi-na pu·onani gitasa ong·enga ine BJP-ni membor-rangko NPP-ni candidate-na chakchina didiangaha.
Ia tom·ani ja·man dolgnini gisepo ma·sichakgrikaniona sokahani gimin da·o Garo Hills-o BJP-ni dilgiparangba, dingtang dingtang constituency-rango tom·anirangko ong·ate, NPP-ni candidate-na chakchina manderangko didichina u·iatskagnok.

spot_img
spot_img

Related articles

Ri-Bhoi villagers boycott DC meet for peace parleys

From Our Correspondent NONGPOH, May 27: The leaders and residents of Erpakon village in Ri-Bhoi on Monday unanimously boycotted...

One killed, multiple hurt in Ri-Bhoi road mishap

From Our Correspondent NONGPOH, May 27: A collision on National Highway-6 in Ri Bhoi on Sunday morning resulted in...

Assam youth drowns in Umtrew river

From Our Correspondent NONGPOH, May 27: A youth from Assam on Sunday drowned while swimming with friends in the...

Plaint against govt teachers for ‘running’ teer counter

By Our Reporter SHILLONG, May 27: The Myntri of Dwara Nongtyrnem Sirdarship, Klurninson Donna, has filed a complaint with...