Tuesday, July 1, 2025
spot_img

Tura-na gital salgipa Draft Master Plan-ko a·king dambrini Nokmarang jegalata

Date:

Share post:

spot_imgspot_img

TURA: Tura jillani municipality area-ko apalbatatna gita Urban Affairs department-ni gital dake saltaigipa Draft Master Plan-ko a·king dambrini Nokmarang raken jegalataha.

Adita salrangna skangsan, GHADC-ni Special Session-ko ong·atanioba, Tura jillani ning·o donggipa Danakgre, Doldegre, Alotgre, Darechikgre, Duragre, Chasingre, Ballonggre aro Rongkhongre a·kingni Nokmarang aro GHADC baksa agangrikchenggija Meghalaya sorkarini Urban Affairs department, Draft Master Plan-ko tariaha ine matnangenba, iako GHADC-ni MDC-rang raken jegalangtokahachim.

Iani bidingo Chasingre, Rongkhon Edenbari, Rongkhon Megonggre aro Alotgre a·kingni Nokmarangba jegalatskaengon, “Chingni a·kingrangko maming u·iatchengani gri Tura Municipality ning·o napatna gita Urban Affairs department-ni Draft Risk Informed Based Master Plan tarianiko chinga chingni maharirang baksa raken jegalenga,” ine Urban Affairs department-ni Director-na sedoatgipa chittio Nokmarang parakataha.

Ia a·kingrangara Garo Hills Autonomous District Council (GHADC)-ni ning·o ga·akgipa a·kingrangsa ong·a ine janapatskaengon, “Chinga GHADC-ni nirok sandianion dongna kusi ong·batenga aro GHADC baksana Urban Affairs department-ni nirokanikode nangnikjaenga,” ine a·king dambrini Nokmarang parakataha.

Koborko on·ani gitade, Tura jillani ning·o donggipa Danakgre, Doldigre, Alotgre, Darechikgre, Duragre, Chasingre, Ballonggre aro Rongkhongre a·kingni Nokmarang aro GHADC baksa agangrikchenggija, ia a·kingrangko Tura Municipality-ni ning·o napatna Urban Affairs department, Draft Master Plan-ko tariahachim.

A·king Nokmarang aro GHADC baksa maming agangrikchenggija ia a·kingrangko Tura Municipality-ni ning·o napatna sorkarini miksonganiara, Indian Constitution-ni Article 243ZC-ni ning·o dongimin niamrangko pe·ani gita ong·enga ine adita salrangna skangsan Tura-ni MDC Bernard Marak-ba matnangatahachim.

spot_imgspot_img

Related articles

Assam BJP condemns ‘attack’ on CM’s convoy in Golaghat

GUWAHATI, July 1: The state unit of BJP has condemned the incident of a water bottle being hurled at the...

Full of failures, frauds, false claims: Cong chief Kharge on 10 years of Digital India

New Delhi, July 1: On the day the Modi government's flagship 'Digital India' initiative completed ten years, Congress...

India urges Pakistan to expedite release and repatriation of Indian prisoners, including fishermen

New Delhi, July 1: India on Tuesday called for an early release and repatriation of civilian prisoners, including...

Congress will ban RSS again if party comes to power at Centre, says Priyank Kharge

Bengaluru, July 1: Karnataka Minister for Rural Development and Panchayat Raj, IT and BT, Priyank Kharge, has stirred...