TURA: Lok Sabha election-ko ong·atengani gimin dilgipako seokanio bak ra·china manderangko didina gita West Garo Hills aro North Garo Hills a·jaoba ‘Dul Doka’ Voter Awareness program-ko ong·atangaha.
West Garo Hills a·jao ia ‘Dul Doka’ awareness program-ko Tura-ni Super Market-o Meghalaya a·dokni Chief Electoral Officer (CEO), West Garo Hills District Administration aro A·chik Theatre Group baksa nangrime ong·atangaha.
Ia program-ko ong·atanio, West Garo Hills a·jani Deputy Commissioner Jagdish Chelani, mongsonggipa sokgipa ong·e jinmana aganprakengon, April-ni 19 tariko, electoral roll-o biming segatgimin pilak manderangkon re·bae dilgipako seokanio bak ra·china didiangaha.
Pu·onanio bak ra·na nangchongmotani gimin talataniko on·angengon, batanggimin chang election-rango badiaba badiaba polling station-rangode pu·onanirang namen komibataha ine Chelani parakatenba, ia Lok Sabha election-ode an·tangtangna on·gimin bilrangko jakkale, pu·onaniko 100 percent gapatchina jolo songdongenggipa manderangko didiangaha.
Ia program-ko ong·atanio Mothers Union-ni secretary Sume B Sangma-ba dongpae jinmana aganprakangengon, dilgipako seokanio a·songo songdongenggipa mande sakantini daitoko talate on·angenba, pu·onani salo pilakkon re·bae bak ra·echina gita didiataha.
Ia ‘Dul Doka’ voters awareness program-ni bak gita election-ni kattarangchi segimin robolrangkoba sualataha.
Apsan daken, North Garo Hills a·jaoba ‘Dul Doka’ Voters Awareness Program-ko Resubelpara-ni Dekachang bazaar-o ong·atangaha aro ia awareness program-ko Meghalaya CEO, North Garo Hills a·jani District Administration baksa nangrime SVEEP-ni bak gita ong·atangaha.
Ia program-ko ong·atanio North Garo Hills a·jani Additional Deputy Commissioner (ADC) Leena Daring, jinmana aganprakangengon, election-ni gamchataniko iandake jatni daka rikani bewalo manderangna u·iatna gita ia program-ko ong·atahani gimin a·dokni CEO-ko mittelpilangaha. Election-ni dingtang dingtang kamrangni giminba ia tom·anio ua agan-talate on·angaha.
Ia ‘Dul Doka’ program-ni bak gita dingtang dingtang football club-rangna aro ramram manderangnaba robolrangko suale on·ataha.
West Garo Hills a·jao ia ‘Dul Doka’ awareness program-ko Tura-ni Super Market-o Meghalaya a·dokni Chief Electoral Officer (CEO), West Garo Hills District Administration aro A·chik Theatre Group baksa nangrime ong·atangaha.
Ia program-ko ong·atanio, West Garo Hills a·jani Deputy Commissioner Jagdish Chelani, mongsonggipa sokgipa ong·e jinmana aganprakengon, April-ni 19 tariko, electoral roll-o biming segatgimin pilak manderangkon re·bae dilgipako seokanio bak ra·china didiangaha.
Pu·onanio bak ra·na nangchongmotani gimin talataniko on·angengon, batanggimin chang election-rango badiaba badiaba polling station-rangode pu·onanirang namen komibataha ine Chelani parakatenba, ia Lok Sabha election-ode an·tangtangna on·gimin bilrangko jakkale, pu·onaniko 100 percent gapatchina jolo songdongenggipa manderangko didiangaha.
Ia program-ko ong·atanio Mothers Union-ni secretary Sume B Sangma-ba dongpae jinmana aganprakangengon, dilgipako seokanio a·songo songdongenggipa mande sakantini daitoko talate on·angenba, pu·onani salo pilakkon re·bae bak ra·echina gita didiataha.
Ia ‘Dul Doka’ voters awareness program-ni bak gita election-ni kattarangchi segimin robolrangkoba sualataha.
Apsan daken, North Garo Hills a·jaoba ‘Dul Doka’ Voters Awareness Program-ko Resubelpara-ni Dekachang bazaar-o ong·atangaha aro ia awareness program-ko Meghalaya CEO, North Garo Hills a·jani District Administration baksa nangrime SVEEP-ni bak gita ong·atangaha.
Ia program-ko ong·atanio North Garo Hills a·jani Additional Deputy Commissioner (ADC) Leena Daring, jinmana aganprakangengon, election-ni gamchataniko iandake jatni daka rikani bewalo manderangna u·iatna gita ia program-ko ong·atahani gimin a·dokni CEO-ko mittelpilangaha. Election-ni dingtang dingtang kamrangni giminba ia tom·anio ua agan-talate on·angaha.
Ia ‘Dul Doka’ program-ni bak gita dingtang dingtang football club-rangna aro ramram manderangnaba robolrangko suale on·ataha.