TURA: Election Commission of India (ECI)-ni ge·etanio pangchake, manderang jemangan electoral roll-rango biming dongeba Elector’s Photo Identity Card (EPIC)-rang dongjachim, uandakgipa manderangba election-ni somoio dilgipako seokanio gipin identity card-rangko ba lekkarangko jakkalskana man·gen ine Election Commission u·iataha.
Ia ID card ba lekkarangara, Aadhar Card, MNREGA Job Card, Bank/Post Office-ni photo baksa on·gipa Passbook, Labour Ministry-ni scheme-ni ning·o on·gipa Health Insurance Smart Card, Driving Licence, PAN Card, NPR-ni ning·o RGI-ni on·gipa Smart Card, photo donggipa Pension-ni lekka, Centra Govt/State Govt/PSU-rang/aro dingtang dingtang company-rangni photo baksa on·gipa Service identity card, MP-rangna, MLA-rangna, MLC-rangna on·gipa Official identity card, India sorkarini Social Justice & Empowerment Ministry-ni on·gipa Unique Disability ID (UDID) Card aro uandakgiparang ong·gen ineba Election Commission u·iataha.
Voter-ni EPIC-chi ua mandeko ba pu·ongipako ma·sina man·genchimode uni EPIC-o sesretanirang donggenchimoba ua mande pu·onna gita man·aigen ineba Election Commission u·iataha.