SHILLONG: Meghalaya State Commission for Women (MSCW)-ni gitalgipa chairperson-ko seokna ru·utani gimin Civil Society Women Organization (CSWO) ka·o nangtokaha aro political-ni gita seokako man·gipa officialrangko rimnapna uamang sengengama ine uamang sing·doaha.
“Maina uamang ru·utatenga? Uamang political-ni gita seokako man·gipa official-rangko sengengama jekon chinga seokna on·jaha,” CSWP president Agnes Kharshiing aganaha.
West Khasi Hills-o kangal nokdangni me·chik bi·sa saksako sakgni me·asarang kal·akaha aro uamangko rim·a dongja ua ru·utgija salo ong·gipa obostako janape donchipenggipa me·chikrang aro bi·sarangni bang·a mamlarang donga ua aganaha.
Bang·a indakgipa mamlarang donga jerangan namen mongsonggipa ong·a aro commission aganpana aro dakchakna man·a, ru·utatani a·sel jemangan kakket bichalko nangnike dongenga uamangna bang·en neng·nikanirang ong·enga, ua aganaha.
Chairperson gitalko seokani kamko ru·utatanichi commission-ni gimikni gitan kam ka·anirango neng·nikaniko man·aha, commisison-oni koboro aganaha.
Vice-chairperson ua Garo Hills-oni ong·ani gimin chairperson-ni kamko ka·angna neng·nikani ong·aha.
Chairper dongjanio Meghalaya me·chikrangna National Commission-ni jeba meetingna membor saksako mesokna nanggen jeon a·dok niksenggijaniko mesokaha.
“Chairperson-ko seokanio ru·utanichi a·dok sorkari commission-ni mongsonggipa ong·anina gisik nangjaenga. Gipin a·dokrango antignini gisepon chairperson-ko seokaiaha,’’ koboro aganaha.
Ua mamlani bidingo bon·kame chanchina sorkarina ian antirangko nanggen ine ru·utgija salo Social Welfare Minister Paul Lyngdoh aganaha.
“Sakgnini bimingrang donga indiba chief minister-ni ra·chakaniko nangenga. Uni gimin basako ua ra·chakaha chinga na·simangna koborko on·gen,’’ ua skango aganaha.
