Friday, May 24, 2024
spot_img

Me·chik saksako drae til·ekgiparangni kosako bakan charge sheet ka·gen

Date:

Share post:

spot_img
spot_img

SHILLONG: 2023 bilsini September jao, Shillong songjinmani Nongthymmai gittimo me·chik saksako drae til·ekgipa manderangni kosako bakan charge sheet ka·gen ine police-rang parakataha.

East Khasi Hills a·jani Superintendent of Police (SP) Rituraj Ravi-ni parakatani gitade, ia me·chikko drae til·ekgipani bidingo police-rang, chu·onga gitan sakkirangko aro video-rangkoba man·ahani gimin dos dakgipa manderangni kosako bakan charge sheet ka·na man·gen ine ka·dongenga.

“Dongimin somoi gitan chinga ia manderangni kosako charge sheet ka·na ka·dongenga,” ine SP aganaha.

Koborko on·ani gitade, ia a·sel re·anggipa 2023 bilsini September jaon Shillong songjinmani Nongthymmai gittimo ong·ahachim aro ua somoio sakbri manderang, me·chik saksako sam pekatenba, drae til·ekaha aro video-koba ka·e ra·ahachim.

Ia a·sel ong·ani video-ko gipatani ja·man kal·ako man·gipa me·chik an·tangan police-rangona re·ange, dos dakgipa manderangni kosako FIR ka·doangaha aro police-rang, iani bidingo chadambe saksako man·chape gimik sakbri manderangko rim·aha.

Police-rangni kobor on·ani gitade, rim·ako man·gipa mande sakgittamara bilsi 20 ong·gipa Modify Dkhar, bilsi 20 ong·gipa Trustful Dkhar aro bilsi 18 ong·gipa Emkilang Shyrmang ong·achim indiba saksade bilsi sokkugijagipa chadambesa ong·achim.

Indake ong·engon, ia a·sel ong·ani video-ko gipatani gimin Hynniewtrep Integrated Territorial Organisation (HITO)-ni dilgiparang raken jegalataha aro ia me·chikni gunko nosto ka·asan ong·aigija uni janggina kenchakna nanganikoba ra·baani gita ong·aha ine parakataha.

Iani bidingo HITO-ni dilgiparang, East Khasi Hills a·jani SP-na badi ka·eba sedoataha aro dos dakgipa manderang baksana video-ko viral ka·enggipa manderangni kosakoba rakgipa ja·kurangko de·china didiataha.

spot_img
spot_img

Related articles

Leverkusen accept their first loss

DUBLIN, May 23: It was five days short of a full year since Bayer Leverkusen and its standout...

Romgre songo JJM-ni kamko name ka·jani a·sel dam be·grua ine matnanga

TURA: Garo Hills-ni bang·a biaprangon Jal Jeevan Mission (JJM)-ni kamrangna suk ong·gijaniko paraktokengon, Dadenggre Civil Sub-Division-ni ning·o donggipa...

Lookman nets hat-trick as Atalanta stun Leverkusen in UEL final

DUBLIN, May 23: Atalanta winger Ademola Lookman was unstoppable and Bayer Leverkusen’s impossible dream of completing an entire...

Shillong songjinmani Lum Survey-o niam gri rikgipa nokrangko HYC pe·gala

SHILLONG: Shillong songjinmani Lum Survey-o niam gri songdongenggipa manderangko a·rikgalchina gita East Khasi Hills a·jani District Administration-na antigni...