Wednesday, May 29, 2024
spot_img

MT 9-na bate bostu salgipa garirangni Tura-o napaniko champengata

Date:

Share post:

spot_img
spot_img

TURA: Tura jillao bostu salgipa truck garirang aro dumper garirangni skatang salanichi a·sel ong·anirang batroroengani gimin District Administration-ni permission gride, Tura jillaona metric ton (MT) 9-na bate bostu salgipa truck garirangni napaniko West Garo Hills a·jani Deputy Commissioner champengataha.

MT 2.5-oni MT 9-ona bostu salgipa truck garirangba pring 6:00 bajioni attam 9:00 bajiona Tura Municipal area-o napna man·jawa aro attam 9:00 bajioni pring 6:00 bajionasan Tura jilla gita re·na man·gen. Indiba sorkarini kamko ka·enggipa garirangnade dingtangmancha District Administration-ni gita watani donggen ine Deputy Commissioner u·iataha.

Dal·dalgipa garirangko jakkalenggipa sorkari department-rang, an·tangtangni driver-rangna rakgipa niamrangko donna nanggen aro driver-rangna training-rangko on·aniba department-ni daitoan ong·gen ine janapatengon, Rongram, South West Garo Hills aro South Garo Hills-ona bostu salgipa garirangni re·ruraaniko nirokna gita Police-rang, Tura-ni nakuram biaprango entry gate checkpoint-rangko dongen ine Deputy Commissioner parakataha.

West Garo Hills a·jani ning·o gari gora jakkalenggipa pilak manderangan, Motor Vehicle Act 1988-ni ning·o dongimin niamrang, jekai motorcycle ba scooty salgiparang helmet ganani, gari salgiparang seat belt ganani, speed limit ba gariko dongimin niam gita salani aro uandakgipa niamrangko ja·rikna nanggen ineba Deputy Commissioner u·iataha.

Walni somoio ja·achi re·gipa manderang name nikna man·na gita dal·dalgipa garirango ‘reflective strip’-ko tapna nanggen aro mande salruragipa garirang, nangana bate manderangko gatna man·jawa aro traffic-ni niamrangko rake ja·rikna nanggen ineba DC mikrakataha.

Bilsi 18 gapkugijagipa aro licence donggijagipa bi·sarangna gari salna on·jachina gita ma·a paarangko didiatengon, gari gora jakkalgiparang traffic-ni niamrangko ja·rikama ja·rikjaenga, uarangko salantian nirikkichina gita West Garo Hills a·jani Superintendent of Police, District Transport Office aro Motor Vehicle Inspector-rangna Deputy Commissioner ge·etaniko on·ataha.

Churing chupeke gari salaniko champengna gita police-rang, mongsonggipa bibra (junction)-rango aro check point-rango breath analyser-rangchi gari salgipa manderangko porikka ra·e nijringgen aro chu ringe gari salako rim·a man·genchimode, MV Act-o pangchake dairangko gamna nanggen ine DC mikrakataniko on·ataha.

Gari gora salgipa manderang niam pe·genchimode, MV Act-ni Section 19, Section 206 (4), Section 21 aro Section 22-o pangchake police-rang aro transport official-rang rakgipa ja·kurangko de·anggen aro ia niamrango pangchake driver-ni licence-ko den·galpilna bil donggen ineba DC u·iataha.

spot_img
spot_img

Related articles

MLMDF delegation meets Meghalaya DGP Idasisha Nongrang

Guwahati, May 29: A four-member delegation from the Meghalaya Legislative Minorities Development Forum (MLMDF) had a very positive...

India set to attain UN SDG goals, opened 1.6 lakh Ayushman Aarogya Mandirs: Centre

  New Delhi, May 29:  With low maternal and infant mortality rates, reduced tuberculosis incidence and mortality, and other...

CBI summons Trinamool legislator in Bengal coal scam case

Kolkata, May 29: The Central Bureau of Investigation (CBI) has issued summons for interrogation to Trinamool Congress MLA...

World Bank approves $700 million for Rohingya refugees, host communities in Bangladesh

Dhaka, May 29:  The World Bank's Board of Executive Directors has approved two projects totalling 700 million US...