Wednesday, May 29, 2024
spot_img

2023 bilsini Assembly election result-o UDP pangchakenga

Date:

Share post:

spot_img
spot_img

SHILLONG: 2023 bilsini Assembly election-o United Democratic Party (UDP), gimik lak 3.65 vote-rangko Khasi aro Jaintia Hills a·jarango man·ahani gimin ia chang Lok Sabha election-oba apsan daken vote-rangko man·taigenchimode Shillong parliamentary seat-ko chetelgen ine ka·dongenga.

“2023 bilsini Assembly election-o Shillong parliamentary constituency-ni ning·o donggipa Khasi aro Jaintia Hills jolrango lak 3.65 vote-rangko man·aha aro ian gipin dolrangna bate vote man·aniba ong·aha. Uni gimin ia Lok Sabha election-oba chinga lak 3.65 vote-rangko man·taigenchimode aro UDP-ni sak 12 MLA-rang baksana KHADC aro JHADC-ni MDC-rangko niatgenchimode chinga Shillong parliamentary seat-ko chena cholrang nambatenga,” ine UDP-ni general secretary Jemino Mawthoh parakataha.

Shillong parliamentary constituency-o Voice of the People’s Party (VPP)-na balwarang nambatenga ine manderangni aganenggipani bidingo janapatskaengon, da·o dipet result-ni gimin darangba aganna man·kujawa aro vote-rangko channani salosa result-kode ma·sigen ine Mawthoh parakataha.

Shillong aro Tura Lok Sabha seat-rangna election-ko re·anggipa April jani 19 tariko ong·atahachim aro vote-rangko re·baenggipa June jani 4 tariko channa siengachim.

“Congress dolko niatskagenchimode ia party-o da·o Garo Hills-ni MLA saksako man·chape sakbonga MLA-rangsan dongaiaha indiba Shillong Lok Sabha seat-kode Congress dolni Vincent Pala-sa bilsi 15-na kingking rim·kepe dongkuenga,” ine UDP-ni general secretary parakataha.

Ia chang Lok Sabha election-o UDP, Hill State People’s Democratic Party (HSPDP) baksa nangrime bikotgipa Regional Democratic Alliance (RDA)-ni gita HYC-ni gitcham president Robertjune Kharjahrin-ko susaatahachim ine nikna man·a.

National People’s Party (NPP)-ni bidingo janapatskaengon, Khasi aro Jaintia Hills-o NPP-ni sakchet MLA-rang donga aro lak 3-na baten vote-rang dongani gimin nichanggalani ong·jaenga indiba ia chang NPP-na BJP chakpaaniko on·ahani gimin Meghalaya a·dok gita dakgipa Kristian a·dokode manderangni namnikaniko man·jawa ine Mawthoh aganenba, ia pilakko nigopatgenchimode UDP-na cholrang nambatenga ine parakataha.

spot_img
spot_img

Related articles

Navigating the world of social media

Editor, The editorial “Social media bubble” (ST 28 May 2024) has touched upon an essential aspect of our modern...

People’s power will prevail

The cacophony of the high-voltage general election campaign ends on May 29, after a frenetic run for two...

How indigenous peoples were viewed in ancient India

By Bhogtoram Mawroh In India, indigenous peoples (IPs) are termed Scheduled Tribes, and they have been given special provisions...

CUET is necessary

By Benjamin Lyngdoh After the arrangements for the ‘pen and paper mode’ Common University Entrance Test (CUET) Under...