Thursday, July 3, 2025
spot_img

Assembly-ni Dy Speaker, constituency-tangko nichanggalenga ine Rongrong MDC matnanga

Date:

Share post:

spot_imgspot_img

RESUBELPARA: Meghalaya Legislative Assembly-ni Deputy Speaker aro Resubelpara constituency-ni MLA Timothy D Shira, constituency-tango donggipa rama jal·langrangko tarina gisiko nangjaengani a·sel jolo songdongenggipa manderang neng·nikanirangko chagrongna nangtokenga ine GHADC-ni Rongrong MDC Rinaldo K Sangma matnangataha.

Sangma-ni parakatani gitade, adita salrangna skang, social media-rango skul bi·sarangni chiblok dakgipa ramarangko re·aniko nikna man·anian Deputy Speaker-ni constituency-tangna simsak nirokna gisik nanggijaniko mesokani ong·aha.

Ia video-ara a·dok sorkarini Resubelpara constituency-na simsakgijaniko mesokani ong·aha ine janapatengon, ian Assembly-ni Deputy Speaker aro Resubelpara MLA-ni ku·rachakatangko chu·sokatchina gisik ra·atpilaniba ong·enga ine Rongrong MDC parakataha.

“Re·anggipa election-rango chief minister aro dingtang dingtang minister-rang ia ramarang gitan re·rurae, ia ramako gital dake taripile on·na ku·rachakanirangkoba on·ahachim indiba 2018 bilsionin changsaba ia ramarangko taripile on·a dongkujaenga,” ine Sangma, suk ong·gijaniko parakataha.

Resubelpara-ni ramarang a·kolrara dake re·na dona namen namsrangjaengaha ine janapatskaengon, ia ramarangko name tariani pal, MLA-ko ja·rikgipa manderangsa, namgijagipa bosturangchi ia ramarangko alamla taridape donenga ine Sangma matnangataha.

Indake ong·engon, Resubelpara jolo songdongenggipa manderangni namgnina, aro mongsongbate skulrangchi re·ruraenggipa chatro chatrirangni namgnina ta·raken ia ramako niangenba, ia ramarangko tarina gita a·dok sorkari baksa agangrikchina Rongrong MDC, Assembly-ni Deputy Speaker aro Resubelpara-ni MLA-ko didiataha.

spot_imgspot_img

Related articles

Week-long FDP on indigenous knowledge systems held at RGU

Guwahati, July 3: The Indian Knowledge Systems (IKS) Cell, in collaboration with the Royal Centre for Human Resource...

Arunachal Guv urges legislators to focus on land reforms, women empowerment

Itanagar, July 3: Arunachal Pradesh Governor Lt. General K.T. Parnaik (Retd) on Thursday urged legislators to prioritise land...

Manipur govt takes steps to ensure free movement of transport across districts

Imphal, July 3: The Manipur government has taken steps to undertake free movement of various vehicles across the...

Satellite township project: Assam Cong leader moves Commission over ‘threat’ to indigenous communities

Guwahati, July 3: Assam Congress leader Debabrata Saikia has sought the intervention of the National Commission of Scheduled...