TURA: North Garo Hills a·jani Resubelpara-o donggipa RMSA skulko election-ni kamrangna jasa batpile chipataha ine A·chik Conscious Holistically Integrated Krima (ACHIK) matnangatenba, election-ni kamrangna iandake skulrangko chipe donaniara chatro chatrirangni bida budi ra·aniko champengani gitaba ong·a ine parakataha.
Iani bidingo North Garo Hills a·jani Deputy Commissioner-na badi ka·e sedoatengon, election-ni kamrangna skulrangko jasa batpile chipe donaniara kragijani ong·a ine ACHIK parakatenba, election-ni kamrangna skul nokrangko jakkalgija dingtang biaprangko jakkalskachina didiataha.
“Skulko jasa batpile chipe donaniara skulni academic calendar-na nangchakeaniko ra·baani gitasan ong·aigija chatro chatrirangni bida budi ra·anikoba champengani gita ong·enga aro ian skulo skigiparangna, skulo gipin kam ka·giparangna aro ma·a paarangnaba man·dikataniko ra·baani gita ong·enga,” ine ACHIK-ni dilgiparang parakataha.
Resubelpara RMSA skulara ia jolrango damsa mongsongbatgipa skulrangoni damsa ong·a ine janapatskaengon, election-ni kamrangna skul nokrangko jakkalgija community centre, public hall aro uandakgipa biaprangko jakkalskachina aro election-ni kamrangko ka·anio skulrangchi maming nangchakeataniko ra·bajachina ACHIK dol, North Garo Hills a·jani Deputy Commissioner-ko didiataha.
Election-ni kamna skul damsako jasa batpile chipatanina ACHIK jegala
Date:
Share post:
