SHILLONG/TURA: Ia 2024 bilsini Higher Secondary School Leaving Certificate (HSSLC) Science aro Commerce porikkani result-rangko Budbar salo parakataha aro ia bilsini Science porikkao Shillong songjinmani Laban Bengalee Boys’ Higher Secondary School aro Commerce-o St Mary’s Higher Secondary School skanggipa biaprangko man·e chu·sokgipa ong·aha.
Science stream-o Laban Bengalee Boys’ Higher Secondary School-ni Sohan Bhattacharjee, 483 mark-rangko man·e Top 10-ni skanggipa biapko man·aha aro Commerce-o St Mary’s HS School-ni Ferry Filarisha Wann, 472 mark-rangko man·e skanggipa biapko man·skaaha.
Science stream-ni Top 10-o pass ka·anggipa gipin chatro chatrirangara, gnigipao St Edmund’s HS School-ni Gordon Kupar Nongbri (476 marks), gittamgipao St Anthony’s HS School-ni Ar Meker Marpna (471), brigipao Laban Bengalee Boys HS School-ni Aniket Pattanayak (470) aro St Anthony’s Higher Secondary School-ni Amebaaihunshah Kharbhih (470), bongagipao St Anthony’s HS School-ni Rilaakor Lamare (468), dokgipao St Edmund’s HS School-ni K Vansangpuii (466) aro Jowai-o donggipa North Liberty HS School-ni Weibha Nongtdu Lakiang (466), snigipao North Liberty HS School-ni Joshaviah Onan Paswet (460), chetgipao Laban Bengalee Boys HS School-ni Abhijit Deb (459), skugipao Shillong Sacred Heart Boys HS School-ni Freddy Lyngkhoi (455) aro Sr Edmund’s HS School-ni Edward Pohlong Lamare (455), chikkinggipao Mairang Presbyterian Science College (Hr Sec. Section)-ni Kevinstrong Lawriniang (454) ong·a.
Commerce stream-ni Top 10-o biming nakatgipa gipin chatro chatrirangara, gnigipao St Anthony’s HS School-ni Raj Paul (463), gittamgipao Laban Bengalee Boys’ HS School-ni Pongkoch Dutta (458), St Anthony’s HS School-ni Pinky Kumari (458) aro Tura Don Bosco College (Hr Sec Section)-ni Aditya Prasad (458), brigipao St Anthony’s HS School-ni Nearlina Bani Nongbri (454) aro St Edmunds HS School-ni Ryan Surong Myrthong (454), bongagipao St Anthony’s HS School-ni Ishuah Kharsohtun (451), dokgipao St Edmund’s HS School-ni Sneha Paul (446), snigipao Shillong College HS Education-ni Dicky Nongpluh (445), chetgipao Laban Bengalee Boys HS School-ni Imazul Haque Laskar (442), skugipao Shillong St Mary’s HS School-ni Alphi Clarissa Warjri (440) aro chikkinggipao Nongpoh-o donggipa Alpha English HS School-ni Jagjot Singh (440) ong·skaa.
Science stream-o pass ka·ani chu·gimik percentage 85.24 percent ong·aha aro Commerce-o 80.26 percent ong·skaaha.
Science stream-o district-prakni gita pass ka·ani percentage-ara, East Khasi Hills-o 90.67, West Khasi Hills-o 95.51, Ri Bhoi-o 79.29, West Garo Hills-o 75.55, East Garo Hills-o 68.46, South Garo Hills-o 77.78, South West Khasi Hills-o 72.97, West Jaintia Hills-o 83.64, East Jaintia Hills-o 95.92, North Garo Hills-o 83.33, South West Garo Hills-o 100 aro Eastern West Khasi Hills-o 82.32 percent ong·aha.
Commerce stream-o District damprakni gita pass ka·ani percentage-ara, East Khasi Hills-o 82.62, West Khasi Hills-o 100, Ri Bhoi-o 79.17, West Garo Hills-o 68.42, East Garo Hills-o 79.49, South Garo Hills-o dongja, South West Khasi Hills-o 63.89, West Jaintia Hills-o 83.56, East Jaintia Hills-o 97.50, North Garo Hills-o 77.78, South West Garo Hills-o 60.00 aro Eastern West Khasi Hills-o 63.95 percent ong·skaaha.