Shillong: National Legal Services Authority (NALSA) scheme-rangni bidingo Auditorium High Court Meghalaya Shillong-o mijalni bako Legal Care aro Shillong Law College baksa Meghalaya State Legal Services Authority (MSLSA) ong·ataha, tom·-ani bako dingtang dingtang manderang aro niamko u·i ma·sigiparang dongpa-tokaha. MSLSA-ni Patron-in-chief chugipa gadang-oni dilgipa Chief Justice S. Vaidyanathan, baksana Meghalaya High Court-ni Judge-rang Mr. Justice H.S. Thangkhiew, Mr Justice W Diengdoh, Meghalaya High Court-ni Additional Judge Mr. Justice Biswa-deep Bhattacharjee, Meghalaya sorkari Social Welfare department-ni IAS Commissioner aro Secretary Shri P. Bakshi, aro Meghalaya High Court-ni Registrar General MHJS, shri E. Kharumnuid tom·ani bak ra·e agan-kupattianiko on·angaha.
Janggi tanganina nang-chongmotgipa bosturang, cha·ani, dongchakani, po-raiani skiani, sana banani aro chola bara nangchong-motgipa bil ong·e a·doko songdonggipa sakantina on·a nangani gimin Chief Justice S. Vaidyanathan kan·dike agan-talatangaha. Songsalo janggi tanggipa-rang ia nangchongmotgipa fundamental-ko ma·siate on·a nanga ine ua aganaha.
Indian Constitution-ni Article 14 aro 21-ni ning·o kakketgipa bichalna constitutional rights-ko donani bidingo miksonge workshop-ko ong·ataha. Ian bichal ka·anganio chin gita ong·a jekai Anita Kelwaha v. Preshap Sudan [(2016) 8 SCC 509], janggina bilko man·rikatna kakket bichal-ko on·a tarigipa ong·a. Mikkangchina ia constitutional-ni nikjumanganio legal education-ni mong-songgipa dakna nanggniko talatangaha, Kakketgipa bichalko sakantina on·a cholrangni gimin law chatro chatrirangna tom·anio mongsonggipa katta bi-chong ong·aha. Legal Care aro Support Centre, Shillong Law College-ni gita ja·kurangko de·anga-nichi bilgrigipa songsal-rangna niamni gita dak-grikanio dakchakaniko in-din on·angna nangchong-motgipa skill-rang baksa chatro chatrirangko u·iatna miksongani ong·a.
