TURA: Meghalaya State Reservation Policy-ko gital dake nipiltaianio, dingtang dingtang dolrang aro a·doko songdongenggipa manderangni agan-ku·pattianirang aro chanchianirangkoba Expert Committee, nangnikengani gimin All Garo Hills Nengminja Mahari Association (AGHNMA)-ni gitaba, iani bidingo agan-ku·pattianirangko on·pana gita dingtangmancha committee-ko songe donangaha.
AGHNMA-ni president Linstorm K Marak-ni u·iatani gitade, State Reservation Policy-ko gital dake nipiltaianio dingtang dingtang dolrang aro a·doko songdongenggipa manderangni agan-ku·pattianirangkoba on·china gita ia Reservation Policy-ko nipiltaina gita sorkarini songe on·gipa Expert Committee u·iatahani gimin Mongolbar salo AGHNMA-ni gita dingtangmancha tom·aniko ong·atangenba, dingtangmancha committee-ko songe donangaha aro ia committee-ko dilna gita Arlene MN Sangma-ko convenor-na songe donangaha.
Expert committee-na ku·pattianirangko on·na gita June 15 tarikkon bon·kamgipa tarik dake donmanahani gimin committee-ni convenor an·tangan, constitution-ni u·i-ma·sigipa manderang baksa agangrike dingtangmancha draft-ko tarienba Expert committee-na on·atgen ineba AGHNMA-ni president parakataha.
Adita salrangna skangsan, SRP-ko gital dake nipiltaina sorkarini songe on·gipa expert committee tom·e chanchirimanggenba, a·doko songdongenggipa manderang aro dingtang dingtang dolrangni chanchiani aro agan-ku·pattianirangko ra·na tik ka·angahachim.
Ia Expert Committee-o Madhya Pradesh High Court-ni gitcham Judge Justice (Retd) Mool Chand Marg-ko Chairman aro Justice (Retd) Dr Satish Chandra, Prof DV Kumar, Prof Chander Shekhar, Prof Subhadip Mukherjee aro Personnel department-ni gipin official-rangkoba membor dake sorkari songe on·ahachim.
RP-ko nipiltaianio Nengminja Mahariba ku·pattianirangko on·anggen
Date:
Share post:
