SHILLONG: A·dokni dingtang dingtang jolrang a·a rurongdapani obosta-rangko kobor man·soaha, Nongpriang songo a·a ru-rongdape sakbri mande-rang siaha.
Mikka jime waanichi a·a rurongdape ramarang nos-to ong·aha aro champeng-ata man·aha.
Mikka jime waan baksa manderangni buring-bol-grimko den·e galani gimin, kragija bewalo construction-ni ba nok building rikani kamrangko ka·anio mongsongbate town jilao building regulation ba buildingko rikanio ja·rikna nanggipa niamrangko ja·rikjani a·selba a·a rurongdapa-niko nikna man·a.
Geological, environ-mental aro manderangni simsakgija bewalrang, bol-wa·ako de·en gala ba uandakgiparangchi a·a ong·telaigipa landscape-ko gimata, iarangan a·a rurongani a·sel ong·gniko bariata. Jensalo town jilarango niamko ja·rikgija a·kuang dakgipa biaprango nokko rika, unon ong·te-laigipa a·sel ong·anio manderang duko ga·akna nangaona soka.
Authorities, a·a rurong-dapna kragipa ba altugipa biaprango donggiparang-ko naljokgiap biaprangona jitchina mol·molataha.
East Jaintia Hills-ni DC Abhilash Baranwal, obos-tako nirokenga aro uni official-rangko a·a rurong-dapna kragipa biaprango donggiparangko gipin biaprangona jitatchina kam ka·china gita ge·etaha.
