SHILLONG: Shillong Parliamentary constituency-o Voice of the People’s Party (VPP)-ni bang·bea vote-rangchi cheaniara da·o United Democratic Party (UDP) aro Hill State People’s Democratic Party (HSPDP) dolgnina kenchakna nanganirang ong·skaengaha.
Shillong Lok Sabha seat-ko VPP-ni altubee cheangani ja·man da·o manderang UDP aro HSPDP dolrangko, skango gitan bilake dongna man·kugenma ine sing·dona gita a·bachengtokskaaha.
Ia Lok Sabha election-o UDP aro HSPDP dolrangni MLA-rang donggipa Assembly constituency-rangoba an·tangtangni candidate-na vote-rangko bang·e man·e on·na man·jahachim aro UDP-ni president Metbah Lyngdoh-ba 2008 bilsionin Mairang constituency-o MLA-na seokako man·baengahaoba ia Lok Sabha election-ode RDA-ni common candidate Robertjune Kharjahrin-ko cheatna gita man·jahachim.
Mairang Assembly constituency-o VPP-ni candidate Dr Ricky AJ Syngkon, 16,981 vote-rangko man·aha indiba RDA-ni candidate Kharjahrin-de 8124 vote-rangkosan man·aiaha.
UDP-ni sakdok MLA ong·enggipa damdok Assembly constituency-rangode RDA-ni candidate amchepako man·aha aro ia constituency-rangara, Balajied Kupar Synrem-ni MLA ong·enggipa Shella constituency, Mathew Beyondstar Kurbah-ni MLA ong·enggipa (Mawphlang), Synshar Lyngdoh Thabah-ni MLA ong·enggipa (Sohiong), Mayralborn Syiem-ni MLA ong·enggipa (Nongpoh), Nujorki Sungoh-ni MLA ong·enggipa (Mookaiaw) aro Ollan Sing Suin-ni MLA ong·enggipa (Mawsynram constituency) ong·achim.
Raliang Assembly constituency-o RDA-ni candidate 802 vote-rangkosan, Nongpoh-o 1027, Sohiong-o 1972, Mawphlang-o 1123, Mawsynram-o 1468 aro Shella-o 1942 vote-rangkosan man·kosan RDA-ni candidate man·aiaha.
HSPDP-ni MLA ong·enggipa constituency damgni, chong·motan Mawthadraishan aro Mawshynrut constituency-rangoba RDA-ni candidate bang·gija vote-rangkosan man·aiaha maina ua Shakliar Warjri-ni MLA ong·enggipa Mawthadraishan constituency-o 840 aro Mawshynrut constituency-oba 620 vote-rangkosan man·aiaha.
