Shillong: Shillong Parliamentary seat-oni gital seokatako man·gipa, Ricky AJ Syngkon mijalo agana je uamangni party, Delhio badia dol baksa bakrimgenchim, uani bidingo ru·utgijan chanchirimaniko dakgen.
Koborna baltiengon, ma·mong badia dolrang baksa bakrimgen uano bidingo da·ao dipet party-o mamingkoba chanchikuja ine Syngkon aganaha.
Indake ong·engon, ma·mongo jemingba bakrimbo a·dokni namgni aro party-ni ideology-kode uamang mamingdake watpakjawa ineba ua aganaha.
Delhichi basako doanggen ine sing·anina aganchakengon, basako songreanggen sal tarikni gimin chanchikuja, da·o somoi sokjoko doanggen” inesan Syngkon aganchakaha.
