TURA: Ia bilsini Lok Sabha election-o Indian National Congress (INC)-ni candidate Saleng A Sangma-ko Tura-ni gital MP-na seokahani gimin West Garo Hills a·jani District Congress Committee (DCC), Garo Hills-ni manderangko mittelpilataha.
Ia Lok Sabha election-o chegipa ong·ahani gimin Tura-ni gital MP Saleng A Sangma-na namgipa skanirangko on·atengon, Tura Parliamentary constituency-o Congress dolni candidate-ko cheatna dakchakahani gimin DCC-ni general secretary, Congress-na kam ka·gipa pilak manderangkoba mittelpilataha.
“Ia election-o Congress dolni chu·sokgipa ong·aniara mongsongbate pu·ongiparangni a·selsa ong·aha. Ian manderangni on·kangani, an·tangtangna chanchiani gri ong·ani, an·tangtangko on·kangani, chakchikrakani, sal-wal rakbee kam ka·ani aro manderangni bakrimanichisa chu·sokgipa ong·aha,” ine West Garo Hills DCC-ni general secretary parakataha.
Election-ni kamrangko chu·sokatna gita rakbee kamrangko ka·ahani gimin Chief Electoral Officer aro uni dol, social media aro media-ni manderangkoba mittelpilatskaengon, ia election-o bakko ra·anichi a·songko rikanio jak on·paahani gimin West Garo Hills DCC, Garo Hills-ni manderangko mittelpilangaha.