Shillong: Tourism Minister Paul Lyngdoh, Lum Symper-o local MLA Allan Suin, Dy CEM KHADC P.N. Syeim, Local MDC Alvin K Sawkmie, MBMA, CLLMP-ni official-rang aro gipinrangni dongpao Cluster Development Fund Project-ko oprake on·angaha.
Paul Lyngdoh, environment-ko ripingna ja·ku de·anina Raid Saw Symper-ko mittelaha. An·ching namroro-silroroani gimin aganode an·ching ia nambatanganiko nikgen, nambatani samtangtangni nosto ong·anichi sokbaja, namdapani ong·ja indiba ua ka·sinsin namdapani ong·a ia sal an·chingko gisik ra·atpilgen, ine aganaha.
“Meghalaya a·doko buring-bolgrim 76 % ong·enganichi anga namen kusi ong·bea indiba mingsako an·ching ma·sina nanggen uan songpanggipa a·brini manderang skanggipa buring-bolgrim baksa nangrima ong·a aro an·ching an·chingni ma·gipa ine buring-bolgrimko ra·a,’ua agandapaha.
Sengsote namdapani dongjani gimin an·ching iako chanchina nanggen, gipinrangna skina ua ja·kurangko de·anganina manderangko mittelna an·chingni kam ong·a. Songsal baksa bakrimani dongjaode namdapani dongja, ua aganaha.
“Sohra aro gipinrang gita gipin songrangko game-sue cha·anio a·bachengaonin uamang pangchakbaengako an·ching nikenga, ja·mano uarangko a·ningni gamko bikotna, uko Museum dakna assembly committee de·e mesokaha MCCL-na on·aha, uan ru·ute baijawa, adita somainasan ong·aigen. Man·e cha·gipa aro kangalni gisepo tangka-paisani bidingo bak dakroroani pal a·a gri ong·anirang batroroenga ian tourism-nasan aganchakani ong·a, ua aganaha.
Ia a·gilsak an·chingni tangenggipa an·chingni ong·ja an·ching mikrakna aro chadamberangko gisik ra·atna nanggen indiba iako an·ching simsakna aro an·chingni de·drangna pakwatna nangenga. Ia biapko ripingna aro bilakatna uamang ku·cholsan kam ka·gen ua Raid Saw Symper-ko ka·dongataha.
