Sunday, July 6, 2025
spot_img

Health dept-o kam ka·giparangna bakan dormaha on·gnok: Ampareen

Date:

Share post:

spot_imgspot_img

SHILLONG: Doctor aro nurse-rangko man·chape Health department-o kam ka·enggipa bang·bata manderangan jagni-jagittammangna dormaharangko man·tokkujaengon, department-o kam ka·enggiparangni dormaharangna 2025 bilsini March jaona kingking tangka paisarangko watatmanaha aro uamangni dormaharangko bakan on·gnok ine Budbar salo, a·dokni Health Minister Ampareen Lyngdoh, ku·rachakaniko on·ataha.

“Je doctor-rangan iani bidingo media-na parakjaengachim anga uamang sakantikon mittelna ska. Uamangoni mitamde batanggimin jagittamni dormaharangko man·tokkujaenga. Dormaharangko on·anio adita neng·nikanirangko man·na nangenga,” ine Lyngdoh parakataha.

Lyngdoh-ni parakatani gitade, Lok Sabha election-na Model Code of Conduct (MCC)-ko ra·gatahani a·selba tangka paisani kamrangko ka·anio ja·donggaataniko man·na nangaha.

Iani bidingo an·tangni suk ong·gijaniko parakatengon, “Mitam manderang iani giminan angna text ka·attokenga aro iandakgipa a·selko chagrongna nangengani gimin ang kratcha·a. Iani bidingo anga Chief Minister-naba aganmanaha aro uaba iana suk ong·jaenga. Pilak department-o kam ka·enggiparangnan somoi gita dormaharangko on·na man·na nangachim,” ine ua aganaha.

Dormaharangko man·jaengani a·sel doctor-rang, nurse-rang, ward-o kam ka·giparang aro technician-rang pilakan neng·nikanirangko chagrongna nangtokenga ineba Health Minister parakataha.

“Iandake kam ka·giparangko neng·nikatna nangahani gimin chinga suk ong·ja aro ian system-ni a·sel ong·aha. Angni department-oba ian kam ka·giparangna namen neng·nikani ong·a. Ia bewalkon an·ching batanggimin somoirangoniko man·rikaha aro iako an·ching namatna nangchongmotenga,” ine Lyngdoh aganaha.

spot_imgspot_img

Related articles

After Paul, now Rymbui bats for MRSSA over ILP

By Our Reporter SHILLONG, July 5: While pressure groups are raising a renewed pitch for ILP in Meghalaya, the...

In this image via PMO, Prime Minister Narendra Modi pays homage at the San Martin Memorial, in Buenos Aires, Argentina, on Saturday

In this image via PMO, Prime Minister Narendra Modi pays homage at the San Martin Memorial, in Buenos...

Police use water cannon to disperse Congress workers during a protest demanding the resignation of Kerala Health Minister Veena George over the death of...

Police use water cannon to disperse Congress workers during a protest demanding the resignation of Kerala Health Minister...

Resistance from landowners, locals delays border fencing work in state

By Our Reporter SHILLONG, July 5: The border fencing working in Meghalaya is progressing at snail’s pace despite concerted...