TURA: Garo Hills-ni pilak kona noksikrangonan ma·mong sorkarini on·atenggipa dingtang dingtang scheme-rangko nirokna gita Sombar salo, Bharatiya Janata Party (BJP) Garo Hills unit, dingtangmancha ‘Arigri.com’ website ba app-ko bikotaha.
Ia website-ko BJP-ni state president Rikman G Momin-ni dongpaanio kulie on·angaha aro ia website-ko kulianio, Tura-ni MDC aro BJP-ni state vice president Bernard Marak baksana dingtang dingtang dilgiparangba dongpae bak ra·angaha.
“Ma·mong sorkarini ra·gate on·enggipa scheme-rangko name nirok sandina nanga aro utilization certificate-ko man·na gita nangchakegipa department-na report-ko on·na nanga. Indiba scheme-rangoni bang·batakon songrangona sokatjaenga aro iako BJP ra·chakna man·jawa. Arigri ine miksonganiara darangnaba nichanggalani gri scheme-rangko sokate on·anian ong·enga aro ia website-ko chinga manderangna, mongsongbate songadam nokdamrangona sokate on·na ra·gataha,” ine Tura-ni MDC Bernard N Marak parakataha.
Marak-ni parakatani gitade, ia Arigri.com website-o dolgni dake kamko ka·gen aro uan skanggipa Centre Scheme Monitoring Committee (CSMC) aro gnigipao Grassroot Review Organisation (GRO) ong·gen.
“Ia Arigri dolrangan chadamberangna dakchakanirangko on·anichi uamangni nangnikenggipa kamrangko chu·sokatna dakchakgen aro dingtang dingtang department-ni scheme-rangko man·na gitaba dakchakgen. CSMC-de ma·mongni dingtang dingtang scheme-rang, jekai PMAY, JJM, PM KISAN, PMGKAY, MHIS, PMGSY, NREGA, IHHL aro uandakgipa scheme-rangko nirokan baksana nirokaniko nangenggipa skul aro health centre-rangna dakchakanirangko on·skagen,” ine Marak parakataha.
Da·o dipet Arigri.com website-ko Garochisan kuliengkua indiba bakan English aro Khasi-Jaintia ku·sikrangchiba kuligen ineba Tura MDC parakataha.
Ia website-ko BJP-ni state president Rikman G Momin-ni dongpaanio kulie on·angaha aro ia website-ko kulianio, Tura-ni MDC aro BJP-ni state vice president Bernard Marak baksana dingtang dingtang dilgiparangba dongpae bak ra·angaha.
“Ma·mong sorkarini ra·gate on·enggipa scheme-rangko name nirok sandina nanga aro utilization certificate-ko man·na gita nangchakegipa department-na report-ko on·na nanga. Indiba scheme-rangoni bang·batakon songrangona sokatjaenga aro iako BJP ra·chakna man·jawa. Arigri ine miksonganiara darangnaba nichanggalani gri scheme-rangko sokate on·anian ong·enga aro ia website-ko chinga manderangna, mongsongbate songadam nokdamrangona sokate on·na ra·gataha,” ine Tura-ni MDC Bernard N Marak parakataha.
Marak-ni parakatani gitade, ia Arigri.com website-o dolgni dake kamko ka·gen aro uan skanggipa Centre Scheme Monitoring Committee (CSMC) aro gnigipao Grassroot Review Organisation (GRO) ong·gen.
“Ia Arigri dolrangan chadamberangna dakchakanirangko on·anichi uamangni nangnikenggipa kamrangko chu·sokatna dakchakgen aro dingtang dingtang department-ni scheme-rangko man·na gitaba dakchakgen. CSMC-de ma·mongni dingtang dingtang scheme-rang, jekai PMAY, JJM, PM KISAN, PMGKAY, MHIS, PMGSY, NREGA, IHHL aro uandakgipa scheme-rangko nirokan baksana nirokaniko nangenggipa skul aro health centre-rangna dakchakanirangko on·skagen,” ine Marak parakataha.
Da·o dipet Arigri.com website-ko Garochisan kuliengkua indiba bakan English aro Khasi-Jaintia ku·sikrangchiba kuligen ineba Tura MDC parakataha.
