SHILLONG: Budbar salo, Meghalaya Cabinet tom·e chanchirimangenba, district level-ni kamrangnade an·tangtangan reservation roster-ko jakkalna gita bilko on·angaha.
Iani bidingo kobor ra·timgiparangna talataniko on·angengon, district level-ni kamrangnade a·dok sorkari a·jatangtangon roster system-ko jakkalna gita bilko on·na tik ka·ahani gimin ia kamrangko on·anio Personnel department-ni dingtangmancha ra·chaktaianiko nangjawaha ine Budbar salo, MDA sorkarini ku·wattimgipa Paul Lyngdoh parakataha.
Lyngdoh-ni aganani gitade, district level-ni kamrangna roster system-ko jakkalna gita bilko on·anichi kamna seokanio somoirangkoba bakkandikatgnok aro a·jatangtango bangbang ong·e dongenggipa kamrangkoba a·dok sorkarini ra·chakani grian Deputy Commissioner-rang, tik ka·na gita bilko man·gnok.