WILLIAMNAGAR: Re·baenggipa June-ni 22 tariko, East Garo Hills District Legal Services Authority (DLSA)-ni gita National Legal Services Authority (NALSA) aro sorkari-ni dingtang dingtang scheme-rangni bidingo manderangna agan-talatanirangko on·na gita ‘Opening doors for education to children/back to school campaign’ ine pangchakaniko donenba, awareness program-ko Williamnagar-ni Rongrenggre Govt Higher Secondary School kal·chakramo ong·atanggen.
Ia salsani awareness program-ko ong·atanio sorkarini dingtang dingtang department-rang, jekai Medical, Soil and Water Conservation, Agriculture, Horticulture, Sericulture, Election, Fisheries, ITI, Education, Labour, aro uandakgipa department-rang, stall-rangko donenba, department-tangtangni ning·o man·enggipa cholrangko manderangna on·anggen.
