RESUBELPARA: New Criminal Laws ba ong·gija dakgipa kamrangko champengna gital niamrangko ra·gatna siengahani gimin Shillong-ni Meghalaya Administration Training Institute (MATI)-ni gita ‘New Criminal Code’-rangni bidingo training program-ko salgnina, North Garo Hills a·jani sorkari official-rangna Resubelpara-o donggipa Deputy Commissioner Complex-ni Conference Hall-o ong·atangaha.
Ia training program-ko ong·atanio Bharatiya Nyaya Sanhita (BNS) 2023, Bharatiya Nagarik Suraksha Sanhita (BNSS) 2023, aro Bharatiya Sakshya Adhiniyam (BSA) 2023-ni bidingo official-rangna agan-talate on·angaha.
Ia training program-ko ong·atanio sorkari official-rangna skie on·anggipa manderangara, Law Department-ni Deputy Secretary Sanme K Sangma North Garo Hills-ni Public Prosecutor aro North Garo Hills-ni Deputy Superintendent of Police (DSP) Challang Ch Momin ong·a.
