SHILLONG: Faith Foundation, Meghalaya-o bi·sarangni bil aro chadambe-rangko bilakdapatna on·kange kam ka·gipa Chief Minister Conrad K Sangma-ko uamangni jotton ka·e kam ka·enggipani bidingo agangrikna grongaha. Foundation-ni ja·ku de·anichi chadamberangko bilakdapatna aro bi·sarangko ong·gija dake kal·arangni bidingo agangrikanio agane on·angaha.
Uamangni Personal Safety Education (PSE) programme jeon ong·gija dake kal·na am·aoniko warachakna aro champengsona changa sapani aro chel·chakgipa ong·na bi·sarangna skie on·angani bidingo Faith Foundation kan·dike agan-talate on·angaha. “Meghlaya a·doko bi·sangna aro chadamberangna bilakgipa aro naljokgipa balwako ong·katatna chinga on·kanga,” ine Faith Foundation-ni Director Shannon Dona Massar aganaha. Bi·sarangko drae til·ekani mamlako komiatna aro a·gilsak gimiko bil gnang kam ka·na ia programme-ko ra·baaha. Cadamberangko namroroatna CM-ni nikju-mangani baksa uamangni mission-ko apsan chaprimatna ua aganaha.
