Tuesday, July 8, 2025
spot_img

Lok Sabha-ni Speaker-ko seokanio VPP-ni MP sana pu·ongen ma·sikujaenga

Date:

Share post:

spot_imgspot_img

NEW DELHI: Lok Sabha-ni Speaker-ko Budbar pringo seokna siengon, Shillong-ni Voice of the People’s Party (VPP) MP Ricky Syngkon, badia dolni candidate-na pu·ongen, da·o dipet ma·sina man·kujaenga. Koborko on·ani gitade, iani bidingo ua VPP-ni president Ardent Miller Basaiawmoit aro gipin dilgiparang baksa chanchirimkuenga.

Parliament-o VPP-ni MP Ricky Syngkon, BJP-chi dilenggipa National Democratic Alliance aro Congress dolchi dilenggipa INDIA bloc baksaba bakrimjana tik ka·ahachim.

Lok Sabha-ni Speaker-ko seokanio VPP-ni MP, badiaba candidate-na chakpaaniko on·genma ma Speaker-ko seokaniona re·bagija donggenma, ukoba ma·sikujaenga.

VPP-na agre, salgro salaram joloni Sikkim Krantikari Morcha (SKM) dolde sorkariko rikani ja·man NDA baksa bakrimna tik ka·ahachim.

Regional party-ni membor saksaba Speaker-ko seokanio namen gamchatbegipa ong·engachim, maina uni vote-chiba ian ruling ong·jaode opposition dolna cheaniko on·na siengachim.

Indake ong·engon, Mongolbar attamo Union Home Minister Amit Shah, NDA-o bakrimenggipa dingtang dingtang MP-rang aro political dolni dilgiparang baksa tom·aniko ong·atenba, uamang pilakkon Budbar pring 10:30 bajini gisepon parliament-ona sokchina u·iataha.

Jakgitelgipa India a·songo ian skanggipa changna Lok Sabha-ni Speaker-ko seokna election-ko ong·atani ong·enga maina iana skangde Speaker-ko dilgiparang an·tangtangsa songrongaiachim.

Da·o dipet salgro salaram a·dokrangoni Purno A Sangma-mangmangsan 11-gipa Lok Sabha-ni Speaker-na seokako man·ahachim aro una skang George Gilbert Swell-ba Lok Sabha-ni Deputy Speaker-sa ong·ahachim.

Opposition dolrang, Congress dolni Suresh-kosa parliament-o ja·delbatgipa membor ong·ani gimin Pro-Tem Speaker-na ka·dongsoengachim indiba BJP-chi dilenggipa NDA, pro-tem Speaker-ni kamko BJP-ni MP-nasa on·skaaha.

Speaker-ni kamna NDA, Rajasthan-ni MP Om Birla-ko mingahaon, Congress dolni gita Suresh-ko mingskaengachim.

Lok Sabha-ni Speaker-ko MP-rangni pu·onanichisa seokna siengani gimin da·o dipet Opposition dolna cholrang komibatenga maina INDIA bloc-o gimik sak 232 MP-rangsan dongaia aro NDA-ode sak 293 MP-rang dongskaachim.

spot_imgspot_img

Related articles

Japan PM Ishiba calls Trump’s new tariff decision ‘truly regrettable’

Tokyo, July 8: Japanese Prime Minister Shigeru Ishiba on Tuesday said that US President Donald Trump's decision to...

AAIB submits preliminary report on Air India plane crash

New Delhi, July 8: The Aircraft Accident Investigation Bureau (AAIB) has submitted its preliminary report on the Air...

India debunks Pakistani digital army’s claims on recall of embassy official from Jakarta

New Delhi, July 8: Calling out Pakistan’s malicious campaign, the Ministry of Information and Broadcasting on Tuesday issued...

Haj 2026 application process to end on July 31: Ministry of Minority Affairs

New Delhi, July 8:  The Ministry of Minority Affairs said on Tuesday that applications for Haj 2026 can...