Sunday, June 8, 2025
spot_img

Selsella-o ATM-ko kulina aro rama tarina sal 21 somoiko NGO-rang on·a

Date:

Share post:

spot_imgspot_img

TURA: West Garo Hills a·jani Selsella-o Automated Teller Machine (ATM)-ko kulichina aro Selsella-Balachanda ramako tarie on·china gita batanggimin bilsirangonin Selsella jolni ASWA, FKJGP, GSU aro ADE dolrang dabitokengoba da·onan ia dabianirangko chu·sokate on·kujaengani gimin ia kamrangko sal 21-ni gisepon chu·sokate on·china a·dok sorkarina somoiko on·angaha.
Ia dolbri NGO-rangni parakatani gitade, Selsella-o ATM-ko kulie on·china gita uamang 2021 bilsionin SBI-ni branch manager-na changni chang sedoatahachim aro ia biapo nokkoba rikade rikahachim indiba da·alona kingkingan ia ATM-ko kulichipkujaengachim.
“Selsella-o ATM nokko rikahaoba machine-ko jakkalkujaengani a·selan manderang ia ATM-ko jakkalna man·jae neng·nikanirangko chagrongna nangtokenga,” ine dolbri NGO-rang, a·dokni Chief Minister-na sedoatgipa chittio parakataha.
Selsella-Balachanda ramako tarie on·china gita Chief Minister-ko gisik ra·atpiltaiengon, “Ia ramani obosta namsrangjahani gimin chinga changni chang PWD-na mol·mole sedoataha aro CM-ni office-onaba sedoatahachim indiba da·alona kingkingan ia ramako tarie on·kujaengani a·sel Selsella, Balachanda aro Rajabala jolni manderangna namen neng·nikani ong·enga,” ine dolbri NGO-rang parakataha.
“Ia dabianirangko chu·sokate on·chipkujaengani giminan Selsella jolni manderang sorkarini kosako suk ong·tokjaenga aro ia kamrangko chu·sokate on·na man·jagenchimode ian sorkarini chu·sokgijaniko mesokanisa ong·gen. Uni gimin ia chittiko on·ataoni sal 21-ni gisepo Selsella-o ATM-ko kulijagenchimode aro Selsella-Balachanda ramako tarina a·bachengjagenchimode chinga dontonggija jingjengatna gita draatako man·gen,” ine Selsella-ni ASWA, GSU, FKJGP aro ADE dolrang parakataha.

spot_imgspot_img

Related articles

Hopes of truce in PMK rise as political parties gear up for 2026 TN Assembly polls

Chennai, June 8 : While major political parties in Tamil Nadu have already launched their pre-election groundwork for...

Class 10 student electrocuted by illegal fence in Kerala’s Nilambur, protests erupt

Thiruvananthapuram, June 8 : Tension flared in Nilambur in Kerala's Malappuram district after a Class 10 student was...

TN to roll out multi-lingual audio guides at 22 key tourist sites

Chennai, June 8: In a move to modernise tourism and improve visitor engagement, the Tamil Nadu Tourism Development...

Visitors praise state’s genuine hospitality, safety

By Our Reporter SHILLONG, June 7: When national media hastily labelled Sohra as “crime-prone” following one unfortunate incident, it...