Sunday, July 14, 2024
spot_img

Dadenggre jolo me·chik saksako kragija dake dokgipa manderangko rim·a

Date:

Share post:

spot_img
spot_img

TURA: West Garo Hills a·jani Dadenggre jolo donggipa Lower Teksragre songo, me·chik saksako baditaba sak me·asarangni ka·saninggija dake dokako social media-rango niksona man·ani ja·man police-rang, dos dakgipa manderangko rim·na man·aha.

Social media-rango giproroenggipa video-oniko niksona man·ani gitade, me·chik saksako badiaba maharini me·asarang, jinma kni salenba kragija dake gol·dikrangchi dokahachim. Ia manderangoni saksade ia me·chikko ga·tingaba ga·tingengachim.

Ia me·chikko dokengmiting somoio sambao donggipa manderangba una dakchakani pal, jinma niesa dongskaaiahachim.

Uko dokengmiting somoio me·aparangoni saksade iandake uko dokjachina beng·ahachim indiba ia me·chikko dokgipa manderang uni beng·ako manigija dokangkuaiaha aro sambao donggipa me·chikrangba uko dokkuchina gitasa aganskatokahachim.

Iandake me·chik saksako ka·saninggija dake jinma dokaniko niksoe bang·a manderang suk ong·gijaniko parakattokahachim.

Indake ong·engon, ia a·sel ong·ani video-ko niksoani ja·man West Garo Hills a·jani police-rang, ta·raken dos dakgipa manderangko am·sandina a·bachengaha aro dos dakgipa manderang gimikkon rim·na man·aha ine West Garo Hills a·jani Superintendent of Police (SP) Abraham T Sangma parakataha.

“Ia a·sel ong·chakgipa biapko chingni sipai dolrang, am·sandina a·bachengaha aro video-oniko nikenba chingni sipairang, Damal Asim-ona re·angon songni manderang ia a·selni bidingo chingni sipairangna talate on·na man·aha,” ine SP aganaha.

SP-ni parakatani gitade, dos dakgipa manderangoni sakgnikode police-rang, ua songonikon rim·na man·aha indiba gipin sakgittam manderangde Budbar walo, Jengjal police station-ona re·bae an·tangtangko bame on·eaha.

Bame on·egipa sakgittam manderangkoba ja·mano Tura police station-ona rimbaaha.

Doka man·gipa me·chikko ja·man medical check up-na rimangaha aro ia a·selni bidingo Tura Women’s Police Station-o mokordoma ka·aha ineba SP parakataha.

Ia video-ko watpriprae rojachina aro kimite galchina gitaba Police-rang pilakkon didiataha.

spot_img
spot_img

Related articles

Watching sports is good for you

Being a sports fan, whether you’re watching top flight football, the Olympic games or your favourite local team,...

Sleep tourism promises the trip of your dreams

Imagine arriving at your hotel after a long flight and being greeted by your own personal sleep butler....

How was popcorn discovered?

You have to wonder how people originally figured out how to eat some foods that are beloved today....

Justice Tashi Rabstan-ko M’laya High Court-ni CJ seoka

NEW DELHI: Supreme Court, Justice Tashi Rabstan-ko Meghalaya High Court-ni Chief Justice seokna bimingko minga-taha. “Justice Tashi Rabstan, Jammu...