Tura: West Garo Hills-ni ning·ogipa Tikrikilla jolo traffick-ni obostani bidingo aroba gari-gorarangko simsakgija skatang salgiparangni kosako Constitutional Rights Forum (CRF) Tikrikilla unit, police-na badi ka·doangaha aro obostarangko nirokatchina gita didiangaha.
Uamangni matnange segipa chittio janapa je, Tikrikillao simsakgija gari gorarangko salanirang bilongenga jedakgipa obostarangan ja·achi re·giparangna aro rengrengsilrango songregiparangna namen kenchakbeani ong·a, simskgija gari-gorarangko salaniara traffick-ni niamko pe·a gitaba ong·a ine CRF janapaha.
“Pring 8-oni 3 bajirangni gisepo dal·dalgipa trak garirang, jerangan bosturangko bang·e bang·e gate salenga, indakgipa obostarangara skul re·gipa bi·sarangna namen kenchakbeani ong·enga. Minggipinara, apchangketgipa ramasamo gari-gorarangko simsakgija donanichiba songre-songbatgiparangna neng·nikani ong·batenga, aro ia obostarang mongsongbate bajarni salo ong·batenga” ine CRF-ni on·gipa matnangani chittio janapaha.
Indake ong·engon, simsakgija gari-gora salgiparangko aroba traffick-ni obostarangko pangnan nirokjringchina gita CRF, police-ko didiataha unabaksana bilsi sokkugijarangni gari salanirangkoba nirokchina didiaha.
Simsakgija gari salaniko, traffick-ni obostako nikrokchi Tikrikilla CRF agana
Date:
Share post: