SHILLONG: Khasi ku·sikko Google Translate-ko ra·gataniara Khasirangni itihaso mingsa gisik ra·beani kam ong·aha ine Hynniewtrep National Liberation Council (HNLC) bobil dol parakataha.
Khasi ku·sikkoba gipin ku·sikrang baksa Google Translate-o ra·gatahani gimin da·o Artificial Intelligence (AI)-ko jakkale a·gilsak gimikon ma·sina gita man·aignokchim.
Khasi ku·sikkoba Google Translate-o chapatahani gimin an·tangni kusi ong·aniko parakatengon, a·gilsak gimiko jakkalgipa ming 7000 ku·sikrang aro India a·songo jakkalgipa ming 700 ku·sikrang baksa da·o Khasi ku·sikkoba Google Translate-o recognize ka·aha aro ian Khasirangni itihaso namen gisik ra·beani kam ong·aha ine HNLC-ni general secretary aro publicity secretary Sainkupar Nongtraw parakataha.
Indake ong·engon, Khasi aro Garo ku·sikrangko Indian Constitution-ni Eighth Schedule-o chapatkujaengani gimin HNLC bobil dol, a·dok aro ma·mong sorkarirangko matnangatskaaha.
Khasi ku·sikko Google Translate-o ra·gatahani gimin Khasi aro Garo ku·sikrangko Eighth Schedule-o ra·gatchina gita pilakan apsan ma·mong sorkario dabina nangengaha ineba HNLC-ni general secretary parakataha.
Khasi ku·sikko Google Translate-o ra·gatahani gimin a·dokni Chief Minister Conrad K Sangma-ba kusi ong·aniko parakataha aro apsan daken Garo ku·sik gita dakgipa a·dokni gipin ku·sikrangkoba ra·gatna nangenga ine didianiko on·angaha.