Sunday, July 21, 2024
spot_img

Baghmara-o mongsonggipa rama be·wakanga

Date:

Share post:

spot_img
spot_img
BAGHMARA: Batanggimin salrangonin dontonggija mikkarang waangahani a·sel, South Garo Hills a·jani headquarter Baghmara-o mongsonggipa rama be·wakangaha.
Ia ramara, Baghmara-oni Siju, Rongara aro uandakgipa songrang baksana East Garo Hills a·jakoba nangdimeatgipa rama ong·achim aro ia rama Mongolbar walo, mikkarang dontonggija waangani ja·man be·wakangahani gimin Siju jolrangona re·enggipa gari gorarang neng·nikanirangko chagrongna nangtokengaha.
Ia rama gitan Baghmara bazar-oni South Garo Hills Deputy Commissioner (DC) office-onaba re·achim aro da·o ia rama be·wakangahani a·sel DC office aro gipin mongsonggipa office-rangonaba gari gorarang re·na gita man·jaengaha.
Ia rama be·wakangahani gimin suk ong·gijaniko parakattokengon, ia ramako taridape on·anirang dongjani a·sel aro ramao retaining wall-rangko rikjani a·selsa ia rama be·wakangaha ine South Garo Hills a·jani dingtang dingtang dolrang matnangataha.
South Garo Hills a·jani headquarter Baghmara jillao bang·a ramarangan namsrangjahani a·sel re·ruraanirango neng·nikanirangko chagrongna nangtokenga ine adita salrangna skangsan A·chik Conscious Holistically Integrated Krima (ACHIK) Southern Zone parakatenba, ia ramarangko ta·raken taripile on·china South Garo Hills a·jani Deputy Commissioner-na sedoatahachim.
ACHIK Southern Zone-ni parakatani gitade, Baghmara jillani bang·bata ramarangan, mongsongbate Baghmara Block office-ona dakanggipa rama, A·sim Chiring-oni Do·pakrang-ona dakanggipa rama, Captain Williamson Memorial Govt College-ona dakanggipa rama aro Baghmara PHE junction-oni Bolsalgre-ona dakanggipa ramarangko ru·uta bilsirangonin taripile on·anirang dongjani a·sel da·o ia ramarang a·kolrara dakan baksana ramarang apchone, re·ruraenggipa manderangna namen neng·nikanirang ong·engachim.

spot_img
spot_img

Related articles

Congress’ ‘gang’ remained mute spectators to economic destruction: Rajeev Chandrasekhar

New Delhi, July 21 : Former Union Minister Rajeev Chandrasekhar on Sunday lashed out at the UPA government,...

Hyderabad man dies by suicide after killing wife, daughter

Hyderabad, July 21 : In a shocking incident, a man killed his wife and 10-month-old daughter at his...

Hyderabad: Youth dies while doing bike stunts for reels

Hyderabad, July 21 : Instagram reels craze claimed the life of a youth and left another critically injured...

Gonda train accident: Probe blames negligence of engineering section

New Delhi, July 21 :An investigative report has revealed that negligence by the railway engineering section was the...