Friday, August 1, 2025
spot_img

GHADC-o kam ka·giparangni badi ka·aniko gital dake sandirokchina MHRC ge·eta

Date:

Share post:

spot_imgspot_img

TURA: Garo Hills Autonomous District Council (GHADC)-o kam ka·giparangna dormaharangko on·jani a·sel council-o kam ka·gipa manderangoni sak 21 sina gita nangaha ine badi ka·gipani bidingo gital dake sandirokchina Meghalaya Human Rights Commission, GHADC-ni Chief Secretary-na ge·etaniko on·ataha.

GHADC-o kam ka·giparangna 2018 bilsionin dormaharangko tik ong·e on·jahani a·sel kam ka·giparangoni mitam nokdangrangde sagipa manderangko sanna banna gita man·jae sak 21 manderangde sina gita nangaha ine 2020 bilsini August 14 tariko, Non-Gazetted Employees Association (NGEA)-ni gitcham dilgiparang, chong·motan Flaming B Marak, Senora Johny Arengh, Brithen Sangma aro gipin sakbri dilgiparang badi ka·doangahachim.

NGEA-ni badi ka·gipani bidingo District Council Affairs Department-ni Commissioner & Secretary Aldous Mawlong, IAS, inquiry-ko dakenba 2020 bilsini December 15 tariko report-ko on·ahachim indiba uni report-ko NGEA-ni dilgiparang chu·ongnikjahani gimin iani bidingo gital dake sandirokchina MHRC, ge·etaniko on·angtaiaha.

Mawlong-ni inquiry report-o uamangni agananirangkode segatajaha inenba NGEA-ni dilgiparang suk ong·gijaniko parakani ja·man MHRC-ni tom·aniko Tura-o ong·ataha aro uandaken inquiry report-ko NGEA-ni dilgiparang chu·ongnikjahani gimin gital dake inquiry-ko dakpiltaina nanga ine MHRC tik ka·angaha.

MHRC-ni ge·etaniko on·angani gitade, ia gital inquiry-ko Meghalaya sorkarini Commissioner & Secretary-ni gadango ong·gipa officer ka·anggen aro inquiry report-ko sal 60-ni gisepon Commission-na on·na nanggen.

spot_imgspot_img

Related articles

Govt revises fees for on-street parking in city

SHILLONG, July 31: The Urban Affairs department on Thursday announced a revision in the on-street parking fees within...

Assam eviction fallout: Locals in Ri-Bhoi discuss repercussions

NONGPOH, July 31: Taking serious note of the potential threat posed by the sudden influx of outsiders expelled...

CoMSO urges EJH DC to check illegal immigration

JOWAI, July 31: The Confederation of Meghalaya Social Organisations (CoMSO) has urged the East Jaintia Hills district administration...

Chief Secy tells aspirational district, blocks to buckle up

SHILLONG, July 31: Chief Secretary Donald Philips Wahlang on Thursday called upon officials of the aspirational Ri-Bhoi district...