Saturday, July 13, 2024
spot_img

SWGH-ni Damalgre-Boldamgre ramako tarina kr 8-ko CM chamata

Date:

Share post:

spot_img
spot_img

AMPATI: Mijal Sonibar saloni bako, a·dokni Chief Minister Conrad K Sangma, South West Garo Hills a·jani Rerapara C&RD Block ning·o donggipa Okkapara aro Mellim jolrangona re·angenba, Damalgre-Mellim-Boldamgre ramani obosta namsrangjahani gimin ia ramako tarina gita gong kror 8 tangkarangko chame on·angaha.
Okkapara Songma-o songni manderang baksa tom·e jinmana aganprakangengon, Damalgre-Mellim-Boldamgre ramani obosta namsrangjahani gimin an·tangni suk ong·gijaniko parakatenba, ia ramako ta·raken gita gong crore 8 tangkarangko chame on·angjolaha.
Ramako tarina a·bachengkujaskal manderang re·rurana man·na gita apsan ong·e tarichinaba Chief Minister, PWD official-rangko didiangaha.
Ia jolrango songdongenggipa manderangni chagrongna nangenggipa dingtang dingtang kamrangni bidingo songni secretary Maxtone R Marak, Chief Minister-na agan-talate on·angskaaha.
Ia tom·anio dongpae bakko ra·anggipa gipin manderangara, Tura Municipal Board-ni Chairman JD Sangma, South West Garo Hills-ni Deputy Commissioner Hema Nayak, SWGH SP Vikash Kumar, Rerapara-ni BDO A Ch Momin aro gipinrang ong·a.
Indake ong·engon, ia apsan salon a·dokni Chief Minister, Mellim Area Bee Keepers Association (MABKA)-ni membor-rang baksaba Mellim-o tom·aniko ong·ate, bija jile cha·enggipa dingtang dingtang nanganirangko knatime ra·angaha.
Ia dolara South West Garo Hills a·jao bija jilgipa dolrangoni chu·sokbatsranggipa dol ong·engachim ine nikna man·a.
Ia tom·anio MABKA-ni membor-rang, Chief Minister baksa agangrikengon, an·tangtangni chagrongna nangenggipa dingtang dingtang neng·nikanirangkoba janape on·angjolaha aro bija bitchi man·aniko bariatna gita a·doko honey processing plant ba bija bitchi tariani karkanako kulie on·an baksana bija jilani aro bija bitchi tarianiko skie on·na gita multi facility centre-ko kulie on·china Chief Minister-ko mol·molangaha.
MABKA-ni mol·molanirangna aganchakaniko on·angengon, ia jolrango bija jile cha·enggipa manderangko dakchakna gita Chief Minister ku·rachakaniko on·angenba, association-ni nangnikenggipa nokrangna hisaprangko ta·raken una on·atchina didiangskaaha.
Apiculture Mission-ko tang·doatna gita dingtang dingtang program-rangko a·bachengatahani gimin District Commerce & Industries Centre-ko mittelpilangengon, ia MABKA-an gipin bija jilgipa dolrangnaba dakmesokgipa dol ong·na man·gen ine Chief Minister aganaha.
Ja·mano ua, MABKA-ni Hajongpara songo honey processing plant aro MFC-ko rikna tik ka·enggipa biapko Chief Minister niangaha aro ia biaprangona ramarangko tarina gitaba ua MABKA-na ku·pattianiko on·angaha.

spot_img
spot_img

Related articles

Want to make Maharashtra a global financial powerhouse, Mumbai fintech capital: PM Modi

Mumbai, July 13: Prime Minister Narendra Modi said the development projects worth Rs 29,000 crore launched in Mumbai...

Independent prevails over both NDA, INDIA bloc in Bihar bypoll

Patna, July 13: Independent candidate, Shankar Singh, has won the bypoll in Bihar’s Rupuali after defeating both NDA...

China issues alerts for mountain torrents

Beijing, July 13: China's meteorological and water resources authorities on Saturday evening issued a warning of impending mountain...

North Korea threatens ‘unimaginably harsh price’ following Seoul-Washington nuclear deterrence pact

Seoul, July 13:  North Korea condemned the joint nuclear deterrence guidelines signed by Seoul and Washington as a...