Friday, July 11, 2025
spot_img

Assam-M’laya sima-arini bidingo agangrikanirang bon·chipenga

Date:

Share post:

spot_imgspot_img
SHILLONG: Assam aro Meghalaya-ni gisepo meligrikgijagipa sima-arirangko tik ka·grikna agangrikanirang a·bachengode ding·a ding·a dakahachim indiba da·o sima-ari mamlako namatna sikani a·dok damgnini dilgiparangni gisepo agangrikaniko nikgija ka·sinsin bon·angaiaha aro gnigipa gadang tom·anirang chu·sokna man·jaengon obosta  be·en pilna man·gija indaken dongkuenga.
A·dok damgnian namen agan-golpogrikenga, West Khasi Hills aro Ri-Bhoi district-rangni regional committee-rang, golmal dongenggipa a·jolrangko nangrime nina uamangni apsan gadangoni dilgiparangni chanchianina re·anggipa bilsionin batanggimin adita jarangna sengenga, Chief Minister Conrad K Sangma aganaha.
Bang·a gadangrango agan-golpogrikenga ine Chief Minister pangnan aganaha indiba obosta uan baibai ong·kuaenga.
Gnigipa gadangni agangrikanirango West Khasi Hills-o Langpih, West Jaintia Hills-o Block-I, Psair-Khanduli aro Ri Bhoi District-ni Borduar, Nongwah-Mawtamur, Deshdoomreah, Block-II gita monsonggipa a·jolrang napangaha.
“Apsan gadangni Assam-ni regional committee-ni Chirman-ko agangriktaichina aro a·dok damgnini namgnina man·a dipet ta·raken nangrime meligrikgijagipa sima-ari a·jolrangona re·ange nichina chinga gisik ka·tong gimikchi mol·mola,” Nongpoh constituency-oni UDP legislator aro Ri-Bhoi district regional committee-ni membor, Mayralborn Syiem aganaha.
Asssam-sa ru·utatengama ba Meghalaya-ba agangrikna tarian dongjama sing·aha unon, ‘‘Agangrikgipa dol chinga ku·cholsan ong·enga aro batanggimin salo kam ka·aha gita gimik kamrangko tik tak ka·gen chinga ka·dongenga, aro chingni chairman dilgipani ning·o chinga pangnan agangrikna tarienga,’’ ua aganaha.
“Assam-oni u·iatanikosan chinga sengenga,” ua agandapaha.
Ru·utgija salo, songsul sorkarioniko aganchakaniko man·jae Assam-Meghalaya sima-ari golmalni bidingo gnigipa gadangni nangrime agangrikanirango kamrang chu·sokkujaha ine Cabinet Minister aro West Khasi Hills regional committee Paul Lyngdoh, aganaha.
“Langpih biapko angna daitoko jako on·aha, chinga changsamangmang niena nanga indiba Assam-oni aganchakako man·jae agangrikanirangko donchipenga,” Cabinet Minister aro West Khasi Hills regional committee-ni Chairman Paul Lyngdoh aganaha.

spot_imgspot_img

Related articles

22 Maoists, including eight females, surrender in Chhattisgarh

Raipur, July 11: In a significant development in Chhattisgarh's Narayanpur district, 22 Maoists laid down their arms on...

BJP looting land, forest, water: Rahul Gandhi at ‘save Constitution’ rally in Odisha

Bhubaneswar, July 11: Congress leader Rahul Gandhi on Friday targeted the BJP, alleging that the ruling party has...

Centre plans Rs 1,345 crore subsidy scheme to boost production of Rare Earth magnets

New Delhi, July 11: The Indian government has drawn up a scheme to offer subsidies to the tune...

We missed no targets in Pak, not even a glass pane broken in India: NSA Doval on Op Sindoor

New Delhi, July 11: National Security Advisor (NSA) Ajit Doval on Friday addressed the convocation ceremony at IIT...