TURA: A·dokni Reservation Policy-o, Garo Hills-ni ‘Plain Belt-o donggipa Deshi Muslim-rangna’-rangna 5% ko general category-oniko chamchina gita Rajabalani TMC MLA Mizanur Rahman Kazi, Expert committee-ko didiaha.
Reservation policy-ni expert committee-na seatgipa chittio janapata je ‘Deshi Muslim’-rang Meghalayani chong·motgipa manderangan ong·a aro bang·bata Muslim-rangan Rajbongshi-rangoni ong·bagiparang ong·a ine Kazi aganaha. Deshi Muslim-rangara Garo Hills-ni uandake a·dokni bakan ong·a aro a·dokni namroro-silrorognina aro ku·cholsan ong·anina on·gilpaenga ineba ua aganaha.
Muslim jatoni bang·a dilgiparang ong·katenba a·dokna uandake district council-o skangrango dangdike on·angha ine gisik ra·ataniko on·engon, Muslim jatko Other Backward Class (OBC)-o donatenba state reservation policy-o general category-na chamgipaoniko 5% -ko uamangna chamchina gita Kazi, expert committee-ko, a·dok sorkarina de·e on·china gita didianiko on·aha.
