Shillong: KSU Malki Circle-ni president aro assistant general secretary—Iashan Mukhim aro Mavian Jyrwa mangko Sombaro Sadar police station-o police-na mikkang pa·china gita okamaha.
A·palchini re·bae Shillong-o kam ka·e cha·giparangoniko work permit-rangko KSU-ni sandianiko dakenba manderangko dokbrangbrang dokchichie roani bidingo KSU-ni sakgni dilgiparangko police sing·sandina okamaha.
Police-na mikkang pa·eani ja·mano koborni manderangna aganengon, a·palchini re·bae kam ka·e cha·giparangko doka sata ine police-ni, uamangni kosako matnange FIR on·ani giminsa uamangko okamaha ine union dilgiparangoni saksa Mukhim aganaha.
Police-ni, KSU dilgiparangko iandake okame bichal ka·anirangko dakaniara, student’s body-ni bimingko ong·siatna aro union-ni memborrangna manderangni gisepo kenchipchipaniko ra·bana police-ni daka kamsan ong·aia ineba ua aganaha.
Indake ong·engon, a·dokona napdrabagipa manderangko champengsona gita uamangni kam ka·anirangko dontongjawa ine KSU Malki Circle president aganaha.
A·doko ILP-ko ra·gatchina gita Ma·mongko didichina A·dok Sorkariko sinjete aganengon, A·dok Sorkari ta·raken MRSSA-ko ra·gatatna nanga ine Mukhim aganaha.
Kam ka·giparangko dokani gimin KSU dilgiparangko sing·rokna okama
Date:
Share post: